لیبیا نوی صدراعظم وټاکه
۱۳۹۱ مهر ۲۴, دوشنبهاعلان
د لیبیا ملي شورا د پنځو اونیو په جریان کي د دوهم وار له پاره نوی صدراعظم وټاکه. په طرابلس کي د رایو اخیستلو په ترڅ کي د بشري حقونو مدافع علي زیدان وکولای سول د محلي ادارو د اوسني وزیر محمد ال حریري څخه مخته سي. زیدان د مصطفی ابو شاګر ځای ناستی دئ چي تېره اوونۍ له وظیفې څخه گوښه کړل سو. همدارنګه زیدان د معمر القذافي په وخت کي دیپلومات وو، چي په۱۹۸۰کال کی ئې د هغه وخت له حکومت څخه مخ واړاوه، سویس ته ولاړ، او هلته ئې بیا له اپوزیسيون سره په ګډه د قذافي پر ضد فعالیت پیل کړ. د نوي صدراعظم وظیفه به داوي چي په لیبیا کي یو حکومت جوړ کړي.