فوټبال: آلمان او پرتګال د کوارټر فاینل لوبو ته لار ومونده
۱۳۹۱ خرداد ۲۹, دوشنبهاعلان
د اروپا د فوټبال په اتلولیو کې د آلمان لوبډلې ډنمارک ته ماتې ورکړه او د کوارټر فاینل لوبو ته ئې لاره ومونده. په لومړي سر کې د آلمان لوبډلې یو گول وواهه، خو لږ څه وروسته ډنمارک د گول په وهلو سره دغه لوبه مساوي کړه. خو آلمان بیا پر دې وتوانید چې دویم گول ووهي او دغه لوبه وگټي.
د یکشنبې په ورځ په یوه بله لوبه کې چی د پرتګال او هالند تر منځ تر سره سوه، پرتګال دغه لوبه وگټله. د پرتگال له لوري دواړه گولونه رونالدو ووهل. د هالند لوبډلې یوازې یو گول تر سره کړ. د پرتگال لوبډلې هم د کوراټر فاینل سیالیو ته لار ومونده.