طالبانو په کابل کې چاودنه تایید کړې
۱۴۰۳ دی ۸, شنبه
اعلان
د شنبې په ورځ سهار وختي، بېلابېلو سرچینو راپور ورکړ، چې د طالبانو تر کنټرول لاندې د کورنیو چارو وزارت ته څېرمه د یوې درنې چاودنې غږ اورېدل شوی دی. څو ساعته وروسته د طالبانو د کابل امنیه قومندانۍ دغه چاودنه تایید کړه.په کابل کې د پوليسو وياند خالد ځدراڼ وايي چې په دې چاودنه کې څلور ملکي وګړي ټپيان شوي دي.
د نوموړي په وينا، چاودنه د کابل هوايي ډګر پر سړک، شيخ زايد روغتون ته څېرمه شوې ده.طالبانو د چاودنې د څرنګوالي په اړه نور جزیات نه دي ورکړي، خو ویلي یې دي چې په دې اړه یې پلټنې پیل کړي دي.تر اوسه کومې ډلې یا کس د دغه برید پړه پر غاړه نه ده اخیستې، خو د طالبانو له بیا راتګ وروسته د ډیرو چاودونو مسولیت اسلامي دولت نومې ډلې یا داعش منلی دی.