طالبانو د تاشکند غونډې ته پلاوی لیږلی
۱۴۰۱ مرداد ۲, یکشنبه
اعلان
تاشکند به د دوشنبې او سه شنبې په ورځو کې یعنې د جولای په ۲۵ او ۲۶ مه نیټه د افغانستان په اړه د یوه نړیوال کنفرانس کوربه وي.
د ازبکستان چارواکو مخکې تر دې ټینګار کړی دی چې په دې کنفرانس کې د طالبانو د پلاوي موجودیت د دې ډلې د په رسمیت پيژندلو په معنی نه دی. د ازبکستان د بهرنیو چارو وزارت ویلي دي چې په دې کنفرانس کې به د ۲۰ هیوادونو او نړیوالو سازمانونو استازي ګډون ولري.
په دې کنفرانس کې به د امنیت، اقتصاد او له سیمې سره د افغانستان د نښلولو پر څرنګوالي هم بحث وشي.
د کارپوهانو په باور دا چې په دغه هیواد کې د طالبانو واک ته تر رسیدو وروسته ګاونډي هیوادونه په افغانستان کې د ترهګریزو ډلو د فعالیتونو په اړه انديښنه لري، په دې کنفرانس کې به له طالبانو څخه په دې اړه د عملي اقداماتو غوښتنه وشي.