سـټولتنبرگ: ناټو ته د فنلنډ او سویډن د ژر داخلیدو ټینگار

هغه د ترکیې د خارجه وزیر مولوت چاوش اوغلو سره د گډ مطبوعاتي کنفرانس پر مهال وویل: «اوس د دې وخت رارسیدلی دی چي فنلنډ او سویډن ته د ناټو د پوره غړو په حیث هرکلی وویل سي.»

فنلنډ او سویډن دهمدې کال په می میاشت کي پر اوکراین باندي د روسیې د حملې په نتیجه کي ناټو ته د غړیتوب غوښتنلیکونه ورکړل. خو د ترکیې جمهوررئیس، رجب طیب اردوغان په تکرار سره د هغوی د غړیتوب سره مخالفت وکړ.