دغه شپه به فرانسه او نړۍ بدله کړي

د آلمان او فرانسې تر منځ د فوټبال دوستانه لوبه لا روانه وه چې د سرټکو په صفت لومړني بېړني راپورونه د تلويزيون پر پردو باندې راغلل.

دغو راپورونو د پاريس په اوسېدونکو کې وېره او ترهه راوټوکوله. پر ولس باندې غږ وشو چې له خپلو کورونو او اپارتمانونو دې نه وزي.

د باتاکلان په نوم په تالار کې پوليسو د سهار يوې بجې په شاوخوا کې يرغمل نيونه پای ته ورسوله. هلته د «هېوي مېتل» موسيقۍ کنسرت روان و.

ولسمشر اولاند د تلويزيون له لارې د فرانسې ولس ته خطاب وکړ. هغه د فوټبال لوبې په نيمايي تفريح کې لوبغالی پرې ايښی و. د SID په نوم خبري اژانس راپور ورکړ چې اولاند «خوندي ځای ته رسول شوی و.»

په دې ترڅ کې د فوټبال مينه والو او د آلمان او فرانسې د ملي ټيمونو لوبغاړو اجازه نه درلوده چې له لوبغالي څخه ووزي. په لوبغالي کې دننه ترينګلې فضا خپره وه.

په شپه کې راوتلو راپورونو له پنځو بريدکوونکو څخه خبرې کولې. د لويې څارنوالۍ په حواله ويل کيږي چې ټول ووژل شول. کېدای شي چې نور بريدګر په تېښته بريالي شوي وي.

د مړو شمېر به ښايي لا لوړ شي. د شپې له خوا له ۱۲۰ وژل شوو کسانو څخه خبرې کېدلې. ژوندي پاتې شوي سخت وډارېدل.

په ټوله نړۍ کې امنيتي تدابير کلک شول، په انځور کې په نيو يارک ښار کې د فرانسې قونسلګيري ليدل کيږي.

په نيو يارک ښار کې د «وان ورلد» سوداګريز مرکز خپل انتن د فرانسې په ملي رنګونو روښانه کړی دی. د نيو يارک آيالت ګورنر، اندرېو کومو وويل چې «موږ د فرانسې ولس سره په خواخوږۍ کې ځانونه شريک بولو.»