دغه حيرانونکی ريسټورانټ ولي په ورځ کي صرف يو مېلمه پالي؟

له پخلنځي څخه ۱۵۰ فټه لیري یو میز او یوه چوکۍ ایښودل شوې دي. په دې ځان کې د انسانانو له تماس پرته میلمنو یا مشتریانو ته خواړه رسول کیږي. تیار کړای شوي خواړه د یوې غځول شوي رسۍ یا پړي په وسیله د ډوډۍ میز ته رسول کیږي. میلمانه په طبیعي چاپیریال کې له خوړو څخه خوند اخلي.

راسمس او لنډا د مسلک له پلوه شپانه دي. د دوی په ذهن کې دا مفکوره هغه وخت راغله کله چې د کووید-۱۹ د وبا په دوران کې د لنډا مور پلار چې عمرونه یي تر ۷۰ پورته دي د دوی نوي کور ته راغلل. د ټولنیز واټن په مراعاتولو سره دوی د خپل کور تر څنګ بڼ کې پر یو میز دسترخوان وغوړاوه او د زړول شوي پړي یا رسۍ په وسیله یي هغو ته خواړه ورسول.

په دې رسټورانټ کې تر ټولو د مخه د میلمه هرکلی او خدمت د مشروبانو په وړاندې کولو سره کیږي. بیا اصلي خواړه او په پای کې ورته خواږه ، لکه د افغانستان په ځینو رسټورانټونو کې چې فیرني وړاندې کیږي.

د انګورو له جوس یا اوبو او سوډا واټر څخه جوړ مشروب، د سویډن د هیزلنټ په طرز جوړ شوي کُچ، سویټ کارن یا خوږو دانو او زیړو ګازو له ترکیب څخه جوړ اصلي خواړه او د بلوبیري، شیدو او کُچو څخه جوړ آسکریم ډوله خواږه د دې رسټورانټ په مینیو کې شامل دي.

دلته میلمه ته بل نه وړاندې کیږي بلکې دا پریکړه هغه ته پریښودل کیږي چې هغه د دې په زړه پورې تجربې له پاره څه قیمت ادا کول غواړي. د نوم مطابق «ټیبل فار ون» په یوه ورځ کې یوازې د یوه میلمه له پاره خواړه برابروي. له همدې امله باید مخکې له مخکې بوکنګ شوی وي. په زړه پورې خبره خو دا ده چې د راتلونکو دوو میاشتو له پاره دغه میز مخکې له مخکي ریزرف شوی وي.

د ټولنیز واټن مراعاتولو اهمیت ته د خلکو پام را اړونې په موخه جوړ شوی دغه رسټورانټ اوس یوازې د اګست میاشت پورې پرانیستل شوی دی. ممکن دا تر اګست وروسته هم په خپل حال پاتې شي او یا هم په بل شکل خپل خدمات وړاندې کړي.