د ۲۱ پيړۍ له پاره د اقليم ساتني کورونه

د هستوګنې کورونه داسي جوړ سوي دي چي په لوړ کیفیت سره د لمر انرژې اخلي. په کور کې لازمه تر لاسه شوی تودوخه تازه هوا مصرفوي او اضافه هوا په چت کې لګيددلي دستګاه ته د بريښنا د توليد له پاره بیرته ورکوي. د آلمان د فرايبورګ په دغه ښارګوټي کي له ۲۰۰۰م کال راهيسې د ټولي نړۍ معماران راټول شوي دي.

خونې روښانه دي،د هوا کيفيت ښه دی او تودوخه دوامداره ده. که څه هم د دغه کور پر جوړولو لږ زيات مصرف راځي خو د کور تودولو له پاره انرژۍ لګښت سپمول کيږې. او له نورو کورونو سره بيا د پرتلنې له مخې ارزانه دي.

د الپن هوټلونو ودانۍ هم اوس د دغه کورونو په څير جوړيږي او خپلې پيسې سپموي. د Passivhäuser يانې هغه کورونه چې د لمر په وړانګو تودیږې او هم بیرته اضافه هوا د تودولو دستګاه ته ورکوي په ژمي کي مرکز گرمي د اضافه تودولو له پاره نه کاروي.

Passivhäuser له پخوانيو کورونو سره د پرتلنې له مخې پنځه سلنه انرژۍ ته اړتيا لري او پخواني سیستم کورونه لس سلنه. دغه نوي کورونه په خاصو تودونکو توکو سره پوښ ودان شوی دي. د کړکيو ښيښې يو پر بل څلور څلور دي.

دا په فلادلفيا کې د صفر انرژۍ د کورونو يو بلاک دی. د دې کورونو کرايه هم ارزانه وي. دا به د بيوزلو کرایه ورکوونکو له پاره ډېر گټمن وي.

په نړۍ کې د دغه شان ودانيو لومړۍ لوړه ودانۍ په ویانا کې وه. په آلمان او اتريش کې هم ورته کار کيږې چې د سپمونې او اقلیم ساتنې له پلوه ودانۍ جوړې شي. په ټوله نړۍ کې دغه شان ۵۰ زره ودانۍ شته چې تر نیمايي زياتي يې په آلمان او اتریش کې دي.

دغه هسکه ودانۍ چې په ۱۹۶۸م کې د آلمان په فرايبورګ کي ودانه شوی، په ۲۰۱۱م کې بیا رغول شوي. دا په نړۍ کې لومړۍ داسي ودانۍ ده چې له خپلي هوا څخه گرميږي او مرکزگرمي نه لري.

دغه مهندس خپلو همکارانو ته واضح کوي چې په فرانکفورت کی زاړه کورونه نوي کړي.

دغه د لمر انرژۍ څخه د ګټي اخيستنې له مخې ودانه شوې د هستوګنې ودانې، په چين کې لومړنې بلاک دی چې په ۲۰۱۴م کال کي جوړ شوی دی.

د آلمان په هايدلبیرگ کي د لمر د انرژۍ کورونو ستر بلاکونه جوړ شوي دي. لومړني اوسیدونکي په ۲۰۱۲م کي ورته کډه شوي او تر ۲۰۲۲م کال پورې به د اورګاډې تم ځاي ودانول ورته پاي ته ورسیږي.

په برلين کې د حکومت له پاره يوه دغه شان ودانۍ جوړه شوې ده. دا ډول کورونه اوس د راتلوکي له پاره يوه بیلګه ده.