د کریکټ آسیا کپ کوم هیواد او کله ګټلی دی؟
آسیا کپ د لومړي ځل له پاره په ۱۹۸۳م کال کې وروسته له هغې پیل شو کله چې د کریکټ آسیاسي شورا رامنځ ته شوه. د دې لوبو هدف د کریکټ په ډګر کې د آسیايي هیوادونو ترمنځ د سپورتې اړیکو ښه کول په ګوته شوي.
د آسیا کپ د لوبو ډول!
په ۱۹۸۴م کال کې د آسیا کپ لومړۍ سیالي په شارجه ښار کې ترسره شوه. په ۱۹۸۶م کال کې هندوستان دغه لوبې بایکاټ کړې او دلیل یې له سریلانکا سره د لوبو په برخه کې خرابې اړیکي وې. وروسته په ۱۹۹۰ - ۱۹۹۱م کال کې پاکستان دغه لوبې له هندوستان سره د خرابو اړیکو له کبله بایکاټ کړې. او د ۱۹۹۳ آسیا کپ سیالۍ بیا د پاکستان او هندوستان ترمنځ د خرابو سیاسي اړیکو له کبله لغو شو.
په ۲۰۱۵م کال کې د کریکټ نړیوالې شورا اعلان وکړ چې د آسیا کپ سیالۍ باید په دوو بڼو یعنې یو ورځنیو او ۲۰ اوریزو لوبو ترسره شي. له همدې کبله په ۲۰۱۶م کال کې آسیا کپ د لومړي ځل له پاره په ۲۰ اوریزه بڼه ترسره شو.
د ۱۹۸۳ - ۱۹۸۴ آسیا کپ سیالۍ په متحده عرب اماراتو کې ترسره شوې او دغه اتلولي هندوستان په خپل نامه کړه.
د ۱۹۸۵ -۱۹۸۶ آسیا کپ سیالۍ په سریلانکا کې ترسره شوې او سریلانکا په خپله د دغو سیالیو اتلولي وګټله.
د ۱۹۸۸ -۱۹۸۹ آسیا کپ سیالۍ په بنګله دیش کې ترسره شوي او هندوستان یې اتلولي خپله کړې.
د ۱۹۹۰ -۱۹۹۱ آسیا جام سیالۍ په هندوستان کې ترسره شوې او اتلولي یې هم هندوستان په خپله نامه کړه.
د ۱۹۹۴ - ۱۹۹۵ آسیا جام سیالۍ په متحده عرب اماراتو کې ترسره شوې او اتلولي یې بیا هم هندوستان په خپله نامه کړه.
د ۱۹۹۷م کال آسیا جام سیالۍ په سریلانکا کې ترسره شوې او اتلولي یې هم سریلانکا په خپل نامه کړه.
د ۲۰۰۰م کال د آسیا جام سیالۍ په بنګله دیش کې ترسره شوې او اتلولي یې بیا پاکستان په خپل نامه کړه.
د ۲۰۰۴م کال د آسیا جام سیالۍ په سریلانکا کې ترسره شوې او اتلولي یې هم سریلانکا په خپل نامه کړه.
د ۲۰۰۸م کال د آسیا جام سیالۍ په پاکستان کې ترسره شوې او اتلولي یې بیا هم سریلانکا په خپل نامه کړه.
د ۲۰۱۰م کال د آسیا جام سیالۍ په سریلانکا کې ترسره شوې او اتلولي یې هندوستان په خپل نامه کړه.
د ۲۰۱۱ -۲۰۱۲م کال د آسیا جام سیالۍ په بنګله دیش کې ترسره شوې او پاکستان دغه جام په خپل نامه کړ.
د ۲۰۱۳ - ۲۰۱۴ کال د آسیا جام سیالي په بنګله دیش کې ترسره شوه او اتله لوبډله یې سریلانکا شوه.
د ۲۰۱۵ - ۲۰۱۶ کال د آسیا جام سیالۍ په بنګله دیش کې ترسره شوې او د دغو لوبو لړۍ هندوستان وګټله.
د ۲۰۱۸م کال د آسیا جام سیالي د متحده عرب اماراتو په کوربتوب روانې دي. په دې لوبو کې افغانستان سریلانکا ته په ماتې ورکولو سره د لوبو دوهم پړاو ته لار موندلې. د لوبو په هکله دغه معلومات د ESPNCRICINFO.COM له انترنتي پاڼې څخه اخیستل شوي دي.