د کابل د پاکولو له پاره د خلکو خوځښت

د کابل د هر سړک په څنډه کي چټليو دغه ښار په نړۍ کي يوه په تر ټولو ناپاکو پلازمېنه کي راوستې ده. د افغانستان د عامي روغتيا وزارت په وارو وار له دغه چټل چاپيريال څخه د ناروغيو له پيدايښت څخه خبرداری ورکړی دئ.

دغو کسانو له ځانه سره داسي شعارونه هم لېږدول چي د دغه ښار له اوسېدونکو څخه د ښار د پاکۍ په برخه کي د پوره ونډي اخيستني غوښتنه سوې.

په دغه خوځښت کي يو شمېر ښځو او نجونو هم ونډه اخيستې وه. دوی ويل چي د ښار پاکي يوازي د ښاروالۍ دنده نه، بلکي ټول اوسېدونکي بايد د ښار په پاکۍ کي ونډه ولري.

د افغانستان په لويو ښارونو کي پر سړکانو باندي کثافات د ډيرو انسانانو د ناروغيو سبب سوي.

دغه خوځښت د ښار په ځينو سیمو کي نهالونه هم کښېنول.

ښځو د دوکانونو مخونه پاکول او په دې کار سره يې دوکاندارانو ته دا وښوول چي خپل د دوکان مخ پاک وساتي.

په لويو ښارونو کي د ښارواليو کارکوونکي د ښار په پاکۍ نه رسيږي. د افغانستان په لويو ښارونو کي اوس تر بل هروخت اوسېدونکي ډېر دي.

د دغه خوځښت گډون کوونکو د افغانستان له جمهور رئيس څخه وغوښتل چي د کابل ښار ته داسي ښاروال وټاکي چي د ښار د پاکۍ غم ورسره وي.