پاکستان؛ پوځ د ۵ وسله والو او یوه سرتيري د وژل کیدو خبر ورکړ
۱۴۰۱ آذر ۱۴, دوشنبه
د پاکستان پوځ د دوشنبې په ورځ د دسمبر ۵مه وویل چې چاپه ېې د خيبر پښتونخوا ایالت د شمالي وزيرستان په مربوطاتو، افغانستان پولې ته نژدې ترسره کړې ده. پوځ نه په ډاګه کړې چې دغه چاپه ېې څه وخت وهلې او نه ېې هم د وژل شوو کسانو د هویت په اړه جزئيات ورکړي دي.
امريکا د پاکستاني طالبانو او القاعدې څلور مشران د نړيوالو ترهګرو په توګه نومولي
تحریک طالبان پاکستان چې پر پاکستاني طالبانو هم یادیږي مني چې ځواکونو په شمالي وزیرستان کې د دوی پر يو پټنځاي چاپه وهلې او وايي چې د چاپې پر مهال يې یو عسکر وژلی دی.
پاکستاني طالبانو د دوشنبې په ورځ په یوه اعلامیه کې وويل چې دوی دغه چاپه شنډه کړه خو څرنګه چې پوځ ادعا کړې د اوښتو تلفاتو په اړه ېې څه نه دي ويلي.
پاکستاني طالبانو په نوښار کې د درو پاکستاني پولیسو د وژلو مسئولیت منلی
پاکستاني طالبانو تېره اوونۍ اعلان وکړ چې له حکومت سره یې د روان کال په جون مياشت کې کړی د اوربند تړون مات کړی دی او تر دې اعلان وروسته ېې پر پاکستاني پولیسو د دوو حملو مسئولیت منلی دی.
په کوټه کې ځانمرګي بريد سخته مرګ ژوبله اړولې ده
لومړنۍ ځانمرګی برید په ګوټه کې وشو چې د يوه پاکستاني پولیس په ګډون څلور تنه په کې ووژل شول. دوهمه حمله د تېرې اوونۍ په پاې کې پېښور ته نژدې په نوښار کې د پولیسو پر یوه ګزمه وشوه چې پکې درې پولیس ووژل شول.
آژانسونه/م.ک.ص./ب.ص.
له آرشیف څخه: