د پاپ فرانسسکوس د پنځوو کالونو لاسته راوړنې

پاپ فرانسسکوس د پاپ په توگه تر ټاکل کيدو لږ وروسته د جورجه ماريو بيگوگليو په پيتر ميدان کې خلکو ته په «ښه ماښام» ويلو سره ستړې مشي ورکړه. هغه په دې سره عاجزانه لهجه غوره کړه چې تر نننه یې ساتلې ده.

پاپ فرانسسکوس تر ټاکل کيدو سملاسي وروسته هغو موضوعاتو ته کتنه وکړه چې د پاپ د ټاکونکې شورا له خوا پرې لا دمخه بحثونه شوي ول. نوموړي د نهو ستر اسقفاو يو کنفرانس راوباله څو په کاتوليکي کليسا کې د نظم او محتوا له نظره اصلاحات راوستل شي. موخه داده چې: د کليسا هدف خپل ځان نه، بلکې د عيسی عليه السلام پيغام عامول دي او د دې له پاره اړينه ده چې واتيکان او عام عيسويان بيرته سره نژدې شي.

د ايټاليا لامپيدوزا ته د خپل سفر په ترڅ کې پاپ وويل چې له افريقا څخه اروپا ته د راتگ پر وخت د مهاجرو مړينه یې «په زړه لکه د خنجر» گوزار دی. د ۲۰۱۳م کال په دوبي کې هم د ايټاليا په ساحلونو کې په زرونه کسان پراته ول او په دې تمه ول چې اروپا ته په قانوني توگه ورسيږي.

د «غريبې کليسا» د هغه پيغام سره دغه موټر چې په انځور کې ليدل کيږي، او د ويرونيکا د يوه راهب له خوا ده ته ډالۍ شو، ډير ښه سمون خوري. پاپ وويل چې دا موټر به یې ډير په خوښۍ چلولی وای، خو د امنيتي دلايلو په اساس داسې نه شي کولای.

د خپل دنياوي سبک سره پاپ فراسسکوس ډير ژر د متقرقي کاتوليکو او نورو عيسويانو له پاره يو ډير مجبوب شخصيت وگرځيد. دی حتی د نورو مذهبونو د پيروانو له خوا هم وستايل شو. تر ټاکل کيدو يوازې لس میاشتې وورسته یې انځور د پاپ موسيقۍ د ډلې «رولنگ ستون» پر سندریز البوم چاپ شو.

هغه خپله د «منځگړي يا پل جوړونکي» دنده ډيره جدي ونيوله: په مرکزي افریقا او کولمبيا کې ده په کورنۍ جگړه کې د ښکيلو ډلو ترمنځ منځگړيتوب وکړ. د واشنگټن او هوانا ترمنخ یې هم په کنگل ماتولو کې نقش درلوده.

فرانسسکوس غواړي د نړۍ د ټولو اديانو او مذهبونو ترمنځ هم پلونه جوړ کړي: دی په بيت المقدس کې د ندبه ديوال ته ودريد او ستر مفتي محمد حسين سره یې وليدل. په قاهره کې د قبطي مسيحانو کليسا ته ورغلی او د مسلمانانو د ستر مفتي احمد الطيب سره يې وليدل.

په ۲۰۱۸م کال کې پيرو او چلي ته د خپل سفر پر وخت پاپ په الوتکه کې په ناڅابي توگه د يوې جوړې سره مخامخ شو. د الوتکې د عملې دغه غړيو ده ته وويل چې دوي غواړي واده سره وکړي.

چيلي د پاپ له پاره د آزموينې ډگر ثابت شو چيري چې دی د يو څه مشکلاتو سره هم مخامخ شو: کاتوليکي کليسا له کالو راهيسې دغلته له مشکلاتو سره مخ ده او دا ستونزې د تيري د پيښو تر بربنډيدو وروسته لا پسې زياتې شوې. ويل کيږي چې اسقف خوان باروس (په انځور کې ښي اړخ ته) لا پخوا په دې پيښو خبر وو خو خوله يې پرې پټه کړې وه. فرانسسکوس دا قضيه اسقف ته د درواغجن په ويلو سره حل کړه.

خو روحانيون د فرانسسکوس تگلاره ډيره افراطي بولي: هغوی وايي چې دی د کليسا په دننه کې د سهوه کونکو په مقابل کې هیڅ رحم نه ښيي. دا هم ويل کيږي چې دی د کاتوليکي کليسا په داخل کې هيڅ مقاومت نه زغمي. ډير پابند کاتوليکي عیسويان هم د ده تگلاره ډيره دنياوي او دده عاجزي نمايشي بولي. ځيني اندیښنه لري چې په دې توگه د دين اصل يعني معنويت ښايي له منځه ولاړ شي.