د ټاکنو کمیسیون په روانه میاشت کې لومړۍ پایلې اعلانوي

د ټاکنو خپلواک کمیسیون مشرې حوا علم نورستاني، د دوشنبې په ورځ وویل چې هدف یې اوس هم د اکتوبر پر ۱۹مه نیټه د لومړنیو پایلو اعلانول دي.

د نورستاني په خبره له یوه میلیون څخه د ډیرو رای ورکوونکو معلومات له بایومتریک دستګاو څخه سرورونو ته لیږدول شوي دي. تر دې مخکې په دې بهیر کې جدي تخنیکي ستونزې موجودې وې.

په افغانستان کې د ملګرو ملتونو دفتر یا یوناما د یکشنبې په ورځ یوه اعلامیه خپره کړه او له ټاکنیزو کمیسیونونو څخه یې وغوښتل چې د ټاکنیز بهیر ساتنه وکړي او په سمه توګه دغه بهیر پای ته ورسوي.

افغانانو په سپتمبر میاشت کې د طالبانو پر ګواښونو سربیره هم په ټاکنو کې ګډون وکړ خو دغه بهیر یو ځل بیا له بې نظمیو او درغلیو له تورونو سره مل وو.

(ms/nz (AP