د نړۍ په کوم هیواد کې تر ټولو ډیر موټر کارول کیږي؟

په نړۍ کې تر ټولو ډیرې موټرې امریکایان لري. د شمیرو له مخې له هرو زرو امریکایانو څخه ۸۲۱ تنه یې موټرې لري.

د موټرو د شمیر په اعتبار په دې نوملړ کې دویم نوم د نیوزېلاند هیواد دی. د دغه هیواد له هرو زرو تنو څخه ۸۲۱ یې موټرې لري.

آئس لنډ چې دری میلیونه نفوس لري، د موټرو د تناسب په اعتبار په اروپا کې لومړی او په نړیواله کچه دریم نمبر کې ځای لري. په دغه کوچني ټاپویې هیواد کې د هرو زرو تنو پر سر ۷۹۶ موټرې موجود دي.

په څلورم نمبر هم یو بل کوچنی اروپایې هیواد مالتا دی. په دې هیواد کې د هرو زرو تنو پر سر ۷۷۵ موټرې موجود دي.

اروپایې هیواد لوکزامبورګ په دې نوملړ کې په پنځم نمبر کې ځای لري. په دې هیواد کې د هرو زرو تنو وګړو پر سر ۷۴۵ موټرې شتون لري.

د دې لیست له مخې استرالیا په شپږم مقام کې ځای لري. په دغه هیواد کې د هرو زرو تنو پر سر ۷۱۸ موټرې موجود دي.

د برونائ آسیایې هیواد چې ۴۰ میلیونه نفوس لري ۷۱ سلنه (۷۱۱ په هرو زرو تنو) خلک یې موټرې لري. په دې اعتبار د مسلمانو اکثریت درلونکو او آسیایې هیوادونو په اعتبار لومړی او په نړیوال کچه ۷ نمبر کې ځای لري.

ایټالیا هم په نړیواله کچه د دې لیست په ټاپ ټن یا لومړیو لسو هیوادونو کې اتم ځای لري چیرې چې د هرو زرو تنو اتباعو پر سر ۷۰۶ موټرې موجود دي.

په کاناډا هیواد کې له هرو زرو تنو اتباعو څخه ۶۴۶ یې موټر لري او د دې درجه بندۍ په اساس په نهم مقام کې ځای لري.

په پولنډ هیواد کې د هرو زرو تنو پر سر ۶۲۸ موټره موجود دي چې په دې توګه په اروپا کې څلورم او په نړیواله کچه په ۱۰ مقام کې ځای لري، البته د موټرو د موجودیت د زیاتوالي پر بنسټ.

جاپاني موټرې په ټوله نړۍ کې مشهوره دي. په دې هیواد کې له هرو زرو تنو څخه ۶۰۹ یې موټرې لري. په دې توګه نو جاپان په نړیواله کچه ۱۳ مقام لري.

آلمان هم په نړیواله کچه د موټرو یو له مهمو تولیدونکو هیوادونو څخه دی. خو په دې هیواد کې د هرو زرو تنو پر سر ۵۹۳ موټرې موجود دي چې په دې اساس په دې درجه بندۍ کې په ۱۷ مقام کې ځای لري.

که څه هم روسیه یو وار بیا د وسلو د تولید او جوړونې په ځغاسته کې مخکته شوی، خو په دې درجه بندۍ کې ۱۹ ځای لري. په دې هیواد کې د هرو زرو تنو پر سر ۳۵۸ موټرې موجود دي.

دغه هیواد چې په اقتصادي ډګر کې په یو تر ټولو ستر ځواک د بدلیدو په حال کې دی د هرو زرو تنو پر سر ۱۱۸ موټرې په کښې موجود دي. چين په دې درجه بندۍ کې په نړیواله کچه په ۸۹ مقام کې ځای لري.

د نفوس له پلوه د نړۍ په تر ټولو دویم لوی هیواد هند کې د هر زر تنه نفوس پر سر یوازې ۲۲ موټره موجود دي.

پاکستان په دې لیست کې په ۱۲۵ مقام کې ځای لري. د موټر جوړونې د شرکتونو د نړیوالې اتحادیې د شمیرو له مخې دلته د هرو زرو تنو پر سر یوازې ۱۷ موټرې موجود دي.