د ناټو عمومي منشي افغانستان ته د نورو سرتيرو د ليږلو غوښتنه وکړه
۱۳۸۶ بهمن ۱۸, پنجشنبه
نوموړي د ليتوانيا په پلازمېني ويلنوس کي د ناټو د غړو هيوادونو ددفا د وزيرانو د دوه ورځنۍ غونډي د پرانستلو پر مهال وويل: د ناټو غړي هيوادونه بايد په افغانستان کي د انعطاف منلو تر ټولو لويه کچه ولري.
ديحوپ شيفر په کلکه د3200 آلماني عسکرو د کار اوفعاليت ستاينه وکړه، کوم چي اصلاَ د افغانستان په شمال کي ځای پر ځای دي.
د آلمان د دفاع وزير فرانس جوزيف يونګ ويلنوس ته د رسېدو په وخت کي، د افغانستان جنوب ته د آلماني سرتيرو لېږل يو ځل بيا رد کړه. يونګ خپل د تيري چهارشنبې د ورځي اعلان ته اشاره وکړه، چي يوه دوه سوه کسيزه جنګي ډله د افغانستان شمال ته لېږي.
د امريکې متحده ايالتونو په دې وروستيو کي خپل فشار پر جرمني باندي نورهم ډير کړی، چي آلماني سرتيري د جګړې دپاره د افغانستان جنوب ته هم ولېږي.
د افغانستان په جنوب کي بهرني ايتلافي سرتيري او وسلوال طالبان سختي جګړې سره کوي.
کاناډا، برتانيې، هالنډ او ليتوانيا په غيري مستقيم ډول د امريکا د متحدو ايالاتو د غوښتني ملا تړ کړی دی.