د فوټبال اروپايي سيالۍ؛ آلمان له اوکرانه لوبه وگټله

د يکشنبې په ماښام آلمان (سپيني جامې) له اوکراين سره د ۲۰۱۶م کال د فوټبال د اروپايي لوبو د لومړۍ لوبي له پاره ميدان ته ووت او لوبه ئې دوه پر صفر وگټله.

په ليل لوبغالي کي اکثره نندارچيان د آلمان پلويان ښکارېدل.

د آلمان د لوبډلي مينه وال هيله لري چي لوبډله ئې څلورم وار د اروپا اتله سي. آلمان په ۱۹۷۲، ۱۹۸۰ او ۱۹۹۶ کي د اروپا اتلولي گټلې وه.

د آلمان او اوکراين لوبډلو مينه وال څنگ پر څنگ.

د آلمان فوټبال لوبډلي د لوبي له لومړۍ دقيقې څخه کوښښ کاوه چي سياله لوبډله تر فشار لاندي راولي.

د اوکراين لوبډلي هم له تمه پرته د لوبي د لومړۍ نيمايي په وروستيو شېبو کي د آلمان پر گول سختي حملې وکړې.

د آلمان لوبډلي دفاعي لوبغاړی شکودران مصطفي په ۱۹ دقيقه کي وتوانېد چي تر يوه آزاد شوت وروسته په سر گول ولگوي او لوبه يو پر صفر پخپله گټه روانه کي.

د مصطفي د گول انځور له بلي زاويې.

تر گول وروسته د خوښيو انځور.

د اوکراين فوټبال لوبډلي د آلمان پر گول داسي حملې وکړې چي هيڅ تمه ئې نه کېده. گول ساتونکی مانويل نوير او دفاعيي لوبغاړی ژيروم بوآتينگ ښه وځلېدل.

په دې انځور کي ښکاري چي د آلمانۍ لوبډلي دفاعي لوبغاړي بوآتينگ څرنگه خپل گول وژغوره. هغه په وروستۍ ثانيه کي د گول له کرښي توپ شوټ کړ.

د لوبي لومړۍ نيمايي يو پر صفر د آلمان په گټه تمامه سوه. که له اوکراين سره بخت ياري کړې وای نو کيدای سوای چي لومړۍ نيمايي يو پر يو تمامه سوې وای.

د آلمان لوبډلي دوهمه نيمايي پر ځان باندي په اعتماد سره پيل کړه او د اوکراين لوبډلي ته د لوبي تر وروستيو دقيقو چندان چانس ور نه کړ چي پر گول باندي ئې حمله وکړي، بلکي دوی د سيالي لوبډلي پر گول باندي حملې کولې.

په دوهمه نيمايي کي آلمانۍ لوبډله ډېره پياوړې ښکارېده.

د لوبي په وروستيو پنځو دقيقو کي د آلمان ترينر باستيان ښواين شتايگر ميدان ته ولېږه او هغه نژدې دوې څو دقيقې وروسته گول وواهه، لوبه دوه پر صفر د آلمان په گټه روانه سوه.

ښواين شتايگر د آلمان د ملي لوبډلي په چوکاټ کي خپل وروستی گول پنځه کاله دمخه وهلی وو.

د آلمان د ملي لوبډلي ترينر د خپلو لوبغاړو له لوبي خوښ ښکارېدی.

د C گروپ بله لوبه د پولند او ايرلند تر منځ وه چي يو پر صفر د پولند (سپين کالي) په گټه تمامه سوه.

پولند په ټوله لوبه کي تهاجمي بازي کوله، خو د ايرلند لوبډلي بيا يوه هدف لاره چي خپل گول وساتي.

د شمالي ايرلند دفاعيي تاکتيک تر ۵۱ دقيقې پوري ښه نتيجه ورکړه، خو وروسته د پولنډ ۷ شماره لوړبغاړي ميليک، د ايرلند دفاع ماته او گول ولگاوه. په دې سره نو پولند هم په C گروپ کي د آلمان په شان لوبه وگټله او دواړي لوبډلي درې درې نمرې لري.