د جرمني د فوټبال ملي ټيم ته يو په خټه افغان هم وربلل سوی

افغان الاصله ندیم امیري چي اوس دملي ټيم تر ټولو ځوانه څهره ده، په ټيم کي به ۱۴ شماره تر لاسه کړي. د ملي ټيم ترینر، یو آخیم لو هغه د خپل ټيم په ترکیب کي د ارجنټین او ایستلنډ سره دمسابقو د تر سره رسولو لږ دمخه معرفي کړ.

امیري به نو اوس په دغو دواړو مسابقو کي برخه واخلي او خپل مهارت به هم په اثبات ورسوي.

دغه ۲۲ کلن چي په ۱۹۹۶م کال کي د جرمني د لودویکسهافن ښار په یوه افغانه کورنۍ کي زیږیدلی دی، د فارورډ په حیث په مسابقو کي برخه اخلي.

هغه چي پخوا د ۲۱ کلنیو کښته ټیم کي بازي کوله په داخل او خارج کي یې مجموعأ ۲۴۷ مسابقو کي برخه اخیستې او ډیري قهرمانۍ یې هم تر لاسه کړي دي. ندیم امیري تر اوسه پوري هیڅ سور کارټ هم نه دی اخیستی.  

تر دې دمخه څو واره ویل سوي ول، چي د ندیم امیري څخه د افغانستان په ملي ټيم کي د مسابقې په خاطر دعوت سوی دی، خو هغه دغي غوښتني ته جواب نه ؤ ورکړی.