سياستاوکرایین
د بخښنې نړیوال سازمان بخښنه وغوښته
۱۴۰۱ مرداد ۱۶, یکشنبه
اعلان
دغه سازمان د پنجشنبې په ورځ یو رپوټ خپور کړ او هغه کې ېې ويلي وو چې د اوکراين جګړې پر مهال په ملکي سیمو کې د اوکرايني ځواکونو حضور د ملکي تلفاتو خطر زیاتوي.
دغه رپوټ د اوکراین د ولسمشر ولادیمیر زیلنسکي سخته غوسه راوپاروله.
رويټرز خبري آژانس په حواله دغه سازمان په یوه ایمیل کې داسې لیکلي دي: «آمنیستي انترنیشنل پر دې ژوره خواشينې ده چې د اوکرايني ځواکونو د جنګي تکتيکونو په اړه زموږ اعلاميه د خپګان او غوسې سبب واقع شوې ده.»
زيلنسکي د بخښنې نړيوال سازمان پر دې تورن کړ چې هڅه کوي پر اوکراین د روسې يرغل مسئوليت مخته یوسي. په اوکراین کې د بخښنې نړیوال سازمان مشرې اوکسانا پوکالچوک بیا دغه رپوټ مسکو ته د تبلیغاتو يوه ډالې ښودلې ده.
آمنیستي زیاته کړې چې د اوکراین او په هره بله جګړه کې د ملکیانو له خونديتوب څخه اطمینان ترلاسه کول، د دوی لومړيتوب دی.