ایټالیا د "جنجالي ایږې" په لټه کې ده

تیره اونۍ د ایټالیا په ترینتینو ولایت کې، یو ۲۶ کلن منډه وهونکی په ځنګل کې د ځغاستي پرمهال په مرموز ډول ووژل شو. اوس، څارنوالانو د یوې ایږې "ډي ان اې" د "جي جي څلور" کوډ په درلودو سره کشف کړ چې ښېې دا کار د همدې ایږې دی.

دا ایږه د بورنو خور ده، چې د "جنجالي ایږ" په نوم یادیږي او په ۲۰۰۶ کې په ډزو وژل شوې وو. دا ایږ چې د "جي جي" یو کوډ په نوم پیږندل کیده، هغه مهال ېې د آلمان په بایرن ایالت کې په ورانۍ لاس پورې کړ. ډېر پسونه يې وڅیرل او د مچيو ځالې او د کروندګرو کوټي ېې لوټ کړې. د هغه وخت د بایرن لومړي وزیر اډمونډ سټیوبر هغه ته دا لقب ورکړ او سزا یې ورته صادره کړه.

د یادو دوو سلوانیایې ایږو مور او پلار خوزه او یورکا دي چې د اروپایی اتحادیې د پروژې د یوې برخې په توګه د ۲۰۰۰ او ۲۰۰۱ کلونو ترمنځ ایټالیا ته راوړل شول. په هغه وخت کې بورنو د آلمان بایرن ایالت ته کډوال شو.

د ایټالیا په ترینتینو کې یاده ایږه ناپیژندل شوې نه ده. د څارنوالۍ په وینا، هغې د ۲۰۲۰ په دوبي کې په مونټ پلیر کې پر یو پلار او زوی برید وکړ. حتی بیا هم هغه باید د عامه خوندیتوب تضمین کولو لپاره وژل شوې وای. په هرصورت، اداري محکمې دا پریکړه رد کړه. یاده ایږه د موقعیت د موندلو په یوې الې مجهزه شوې وه، کوم چې اوس کار نه کوې او د خپلو حرکتونو په اړه هیڅ معلومات نه لیږدوي.

دا منډه وهونکی د ویل دی سولیل په ځنګل کې له منډه وهلو وروسته کور ته راستون نه شو. څو ساعته وروسته، د هغه جسد د ځنګل په لاره کې وموندل شو چې د هغه په ​​​​بدن او مخ د ژورو ټپونو نښې وې. دا د برید لومړنی شک و. خو وروسته اټوپسې دا شک تایید کړ.

د دغه قاتل لټون دوام لري. په ایټالیا کې د انسانانو او حیواناتو ترمنځ د همږغۍ په اړه ګرم بحثونه پیل شوي دي. مائوریتزیو فوګاتی، د ترنتینو-آلتو آدیگه سیمې مشر، د مخه پریکړه کړې وه چې دا ایږه باید و وژل شي. هغه وویل "د عامه خوندیتوب لپاره باید دا ایږه حذف شي."

د ایټالیا د چاپیریال ساتنې وزیر فوګاتی و ژیلبرتو پیچتو فراتین د سه شنبې په ورځ د ستونزې په اړه خبرې وکړې. فوګاټي له ترنتینو څخه نورو سیمو ته د ایږو د ډله ایز لیږد ملاتړ وکړ او ویې ویل چې د ایږ نفوس باید نیمایي ته راکم شي. د اروپاېې ټولنې د پروژې په وخت کې، په ترنتینو کې شاوخوا ۱۰۰ ایږان وو.