سياستایران
ایران: ټولې توکمیزې ډلې په مظاهرو کې ور شاملې شوي
۱۴۰۱ مهر ۲۵, دوشنبه
اعلان
دمګړۍ د ایران په دغه لاریونونو کې د هغه سیمې وګړو هم برخه اخيستې ده چې د توکمیزو لږکیو کور دی او له اوږدې مودې راهېسې له دولت څخه شکایتونه لري.
چارواکو د دغو لږکیو له ډلې ځینې د کړکیچ په رامنځته کولو تورنې کړي دي.
خو منتقدین بیا وايي، د دغو تورونو موخه دا ده چې لاریونونه د ټول هېواد په کچه د پاڅون پر ځای د قومي ناکراریو په توګه وړاندې کړل شي.
لاریون کوونکو د «ترک، کرد، عرب او لر قوم سره یو ځای» په شعارونو سره پر ملي یووالي ټینګار کړی دی.
ایران چې ۸۷ میلیونه نفوس لري، د اکثریت فارسي ژبو ترڅنګ د اوو توکمیزو اقلیتونو کور دی.
د حقونو ډلې څارونکي وايي اقلیتونه له اوږدې مودې راهیسي په ایران کې له تبعیض سره مخامخ دي. خو د ایران حکومت بیا دا خبره ردوي.