آلمان په کال کې ۵۰۰ زره مسلکي کاري قوې ته اړتیا لري
۱۴۰۱ مرداد ۲, یکشنبه
په آلمان کې د کارفرمایانو مشر راینر دولګر، په دغه هیواد کې د مسلکي کاري قوې د کمښت له پایلو څخه خبرداری ورکړی دی. دولګر وویل چې «د مسلکي کارګرو کمښت داسې ګواښوونکی دی چې مونږ باید په راتلونکو لسو کلونو کې د خپلې هوساېنې له لاسه ورکول تجربه کړو.» د هغه په خبره د دې ستونزې معقوله حل لاره به دا وي چې مونږ باید سمدلاسه خپل د مهاجرت سیاست ډیر انعطاف منونکی او ګړندی کړو او بی له پيچلتیا څخه د مسلکي کسانو مهاجرت ته زمينه مساعده کړو.
د آلمان د کارفرمایانو د ټولنې د مشر په باور دغه هیواد هر کال لږ تر لږه ۵۰۰ زره نوره مسلکي کسانو ته ضرورت لري. هغه وایي «مونږ د آلمان په اقتصاد کې شاوخوا ۴۵ میلیونه د ریکارډ تر کچې استخدام شوي کسان لرو. له دې ډلې څخه به په راتلونکو لسو کلونو کې مونږ ۵ میلیونه یي له لاسه ورکړو، کوم چې به د یوه ښه تقاعد مستحق وي.»
د کارفرمایانو د اتحادیي مشر زیاته کړه چې د مسلکي کاري قوي د مهاجرت ترڅنګ باید له داخلي پوتنسیل یا امکاناتو څخه هم استفاده وشي.