د امریکا تر ټولو ښایسته ملي پارکونه

د امریکا په اریزونا ایالت کي د "گرند کنین" (Grand Canyon) ملي پارک د غرونو سلسله ډیره تاریخي سابقه لري. د مځکي پيژندني د علم پراساس د دغوغرونو د ډبرو طبقې ملیونونو کلونو پخوانۍ زمانې ته رسیږي.

د یلو سَتون (Yellowstone) ملي پارک د امریکا متحده ایالاتو او ټولي دنیا په سطح لمړنی ملي پارک دی، چي په ۱۸۷۲ م کال کي د امریکا د کانګرس لخوا افتتاح سو. په د غه پارک کي د ۴ څخه تر ۵ زرو پوري خزندې وجود لري. په ژمي کي هغوی ګرمو چینو ته ځي، تر څو خپل ځانونه تاوده وساتي.

د امریکا د کلیفورنیا په ایالت کي د پینکلز (Pinnacles Nationalpark) ملي پارک په ۲۰۱۳ م کال کي تأسیس سو او د ملي پارک په نامه ثبت سوی دی.

د ورنګل سنت الایس (Wrangell St. Elias) ملي پارک د تقریبأ ۵۳ زره کیلومتره مربع مساحت په درلودلو سره د امریکا تر ټولو لوی ملي پارک دی. دغه پارک په خپلو ټولو طبیعي ذخایرو سره د جهاني کلتوري میراث جزء او د دنیا یوه تر ټولو لویه ښه ساتل سوې منطقه ده. دغه پارک د الاسکا په ایالت کي موقعیت لري.

د دنالي (Denali) ملي پارک د الاسکا په مرکز کي موقعیت لري. دِنالي د هغه غره نوم دی، چي په دغه پارک کي دی او ۶۱۹۰ متره ارتفاع لري. د دغه پارک څخه د کاله تر ۴۰۰ زرو اضافه انسانان لیدنه کوي.

د کلیفورنیا په ایالت کي د یوسیمیتی (Yosemite) ملي پارک په ۱۹۸۴م کال کي د یونسکو د جهاني میراث په لست کي شامل سو. دغه پارک د هغه د ګرانیت د لویو ډبرو، زلالو ابشارونو او رودونو، جګو ونو او د هغه د حیواناتو او ونو د رنګارنګۍ په لحاظ جهاني شهرت لري.

د برایس کنیون (Bryce Canyon) ملي پارک د امریکا د یوتا ایالت په جنوب غرب کي موقعیت لري. د ملي پارک په حیث د دغي منطقې د تعینولو دلیل په غرونو کي د هغو راوتلو جګو تیږو او څوکو ساتل دي، چي (د جګو میلو او پایو غوندي معلومیږي.) د برایس کنیون ملي پارک د بحر د سطحي څخه د ۲۴۰۰ څخه تر ۲۷۰۰ متره لوړ دی. د دغه پارک څخه تر کرونا دمخه د کاله یو ملیون انسانانو لیدنه کوله.

د "دیت والي" (Death Valley) یا «د مرګ درې» ملي پارک د امریکا تر ټولو وچ او ګرم ملي پارک دی. په دوبي کي د هغه ګرمي ۴۰ درجو سانتي ګراد ته رسیږي. خو پردې سربیره په دغه پارک کي ۳۶ مختلفي خزندې او ۳۰۷ مرغان ژوند کوي. دغه پارک همیشه داسي وچ هم نه وي. د پسرلي د بارانو پر وخت هغوی رنګارنګ ګلان او شګوفې کوي.

د اورگلېدز (Everglades) ملي پارک په شمال کي د اوکیچوبی (Okeechobee) د بحیرې او جنوب کي د فلوریدا تر نیمه جزیرې پوري غزیدلی دی. دغه پارک د هغه د رطوبت او وښو څخه ډکو چمنونو له کبله ډیر مشهوره دی. نوموړی پارک هم د یونسکو د جهاني میراث په لست کي شامل دی.

د هاوای اورغورځونکی ملي پارک هم د یونسکو د جهاني میراث په لست کي شامل دی. د کیلاویا اورغورځونکی غر چي په دغه منطقه کي موقعیت لري، د ۱۹۸۰ لسیزي راوروسته د نړی یو ترټولو فعال اورغورځونکی غر دی. د هغه ویلي سوي مواد د غیر مسکوني سیمو څخه تیریږي او آرام سمندر ته ورلویږي.

د کلیفورنیا د ریډ ووډ (Redwood) ملي پارک د نړی تر ټولو جګي وني لري. د «سکویا» یا «ماموت» ونو ارتفاع کله کله ۱۱۰ مترو ته رسیږي. دځینو دغو جګو اوغټو ونو قطر ۷ متره ته رسیږي او عمر یې زرو کلونو ته رسیږي.