په ۲۰۲۱م کال کي د نړۍ جذاب ښارونه

د (Economist Inelligence Unit (EIU موسسې د نوم لړ له مخې په ۲۰۲۱م کال کې اوکلند غوره شوی دی. د نوي زيلاند يوازني ستر ښار له ۱۰۰ احتمالي امتيازونو څخه ۹۶ ترلاسه کړي دي. د ښارونو د ارزوني له پاره شپږ موضوعګاني په پام کي نيول شوي. دا هر يو يې د څوو معيارونو لرونکي دي. له هغې څخه سیاسی ثبات، روغتيا پالنه، فرهنګ، چاپيٍريال ساتنه، زده کړه او زيربناوي.

اوزکا په دویم کتار کي دی. دغه ستر اقتصادي ښار په خاصه توګه په خوندرو خوړو سره مشهور دی. سره له دي، د EIU په نوم لړ کې پر نورو دلايلو سره، له ورته ښارونو څخه ډېر مخکي دې: اوزاکا د ثبات، جناي جرمونو ته د سزا اندازه او د روغتيا پالني له مخې تر نورو ښه دی.

د استراليا ستر ښار ملبورن څو کاله د يادې موسسې د نوم لړ په سر کې وو، تر څو چې په ۲۰۱۸م کال کي خپل ځاي ويانا ته ورکړ. سږکال دغه ښار حتي و توانيد چې خپل ښترا ځای په ملي کچه وساتي. اوس مهال آدلايد په ملي کچه لومړی مقام او په نړۍ کي دريم مقام تر لاسه کړی دی.

په ۲۰۱۸ او ۲۰۱۹ م کال کي د اتريش پلازمېنه په نړيوال نوم لړ کي لوړ ترین وو. د EIU موسسي په ۲۰۲۰م کال کي کوم رپوټ خپور نه کړ، ځکه د کرونايې محدوديتونو له کبله عادلانه ارزونه يې نه شوای کولی. کوويد ۱۹ د دې سبب شوو چې اروپايي ښارونه په دغه نوم لړ کي راولويږې. ويانا د دغه موسسې د نوم لړ په څلورم کتار کي راځي.

د چک پلازمېني تر ټولو زيات زيان ليدلی. په والدوا کې «طلاي ښار» د EIU په نوم لړ کې کابو لس امتيازه له لاسه ورکړي. د دي اصلي دلیل د پانديمي ډيريدل دي. چک جمهوريت ډېره موده يو له هغو هيوادونو څخه وو چې په کرونا د اخته کسانو شمير پکې زيات وو. اوس پراګ په نوم لړ کي ۷۴ مقام خپل کړی.

د آلمان دريو محبوبو ښارونو هر يوه تر اتو امتيازو زيات له لاسه ورکړي. هامبورګ، فرانکفورت او دوسلدورف. د کاناډا ښارونه لکه مونترال، ونکوور او تورنتو چې مخکي د ډېرو امتازونو درلودونکي وو د پام وړ کمښت پکي راغلی. په (پورتني عکس) کې هامبورګ چې د آلمان بندري ښار دی د ۱۴۰ ښارونو په منځ کې ډير سقوط تجربه کړی: په نوم لړ کې له ۱۳ څخه ۴۷ ته ښکته شوی دی.

په اروپا کې داسي ښارونه شته چې د کرونا له سختيو سره يې بيا هم د EIU په نوم لړ کي وده کړې. په خاصه توګه د اسپانيا غټ ښارونه په دي تړاو مخکي دي. د دغه هيواد پلازمېنې مادريد د ۲۵ امتيازه په اخيستلو سره ۱۹ مقام اخیستی دی. دغه راز بارسلونا له ۳۲م څخه ۱۶ مقام ته رسیدلی دی.

له لسو څخه اوه ښارونه چې د تير په پرتله يې ډېر امتيازات اخيستي دي، په امريکا متحده ايالاتو کي دي. د هغوی په سر کي هونولولو واقع دی. د هاوايی پلازمېني د نه باور ټوپ وهلی دی او ۴۶م څخه ۱۴ مقام ته رسېدلی. نورو ښکلو ښارونو لکه ويانا او بارسلونا سره يې ځای نيولی دی. په احتمالي توګه د هاوايی ټاپويې موقعيت د دې سبب شوی چې له کرونا سره په ښه توګه مبارزه وکړي.