د انساني غذا په توگه د يو ډول چینجي استفاده تایید سوه
۱۳۹۹ دی ۲۶, جمعه
د ایټالیا په یارمای ښار کي د اروپايي ټولني دغي ادارې د ژیړو خوراکي چینجانو د طبقه بندۍ غوښتنه ازمويي. یاد شفیره چینجی د پروټین، غوړیو او فیبر درلودونکي دي.
د اروپايي ټولني نوموړي ادارې ویلي دي چي «د غذايي فیزیولوژي له امله د دغو چینجیو مصرف مضر نه دی« سربیره پر دې ددغو حشرو په هکله پلټني کومي حفاظتي اندیښنې نه دي ښودلې.
دغي ادارې څرګنده کړې ده چي په زهري موادو د هغو ککړیدل یوازي هغه وخت رامنځته کیږي چي د هغوی خوراک په زهرو ککړ وي.
د دغي ادارې مشر کارپوه، ارمولائوس ورویس وايي: «د یوې نوي غذايي مادې په توګه د یوې حشرې ارزونه، کیدای سي په ټوله اروپايي ټولنه کي د لومړنۍ اجازه نامې له پاره زمینه برابره کړي.» پس له هغه اروپايي ټولنه او د هغې غړي هیوادونه کولای سي ددغي ارزوني پر اساس پریکړه وکړي چي ژیړ خوراکي چینجان به د یوې ډیر پروتین لرونکي غذايي مادې په توګه ومني او که نه.
اروپايي ټولني په ۲۰۱۵م کال کي د نوښتګرو غذاوو د آسانه تایید او ارزوني له پاره ددغي ټولني په سطحه یوه مقرره تصویب کړه. په ۲۰۱۸ کال کی ددغي مقررې له عملي کیدو راهیسي د اروپايي ټولني د غذا د خوندیتوب ادارې، د نوو غذايي موادو د اجازه ورکولو په بهیر کي د پاملرني وړ نقش لوبولی دی.
د دغي ادارې په حواله د حشراتو نور ۱۴ غذايي محصولات په اوس وخت کي تر ارزوني لاندي دي. حشرات پر چاپیریال باندي د لږي اغیزې او لوړ غذايي ارزښت له امله د دوامداره پروټین درلودونکي دي.
د نړې په ډیرو سیمو کي خزدکي، ملخان او خوراکي چینجان د ورځني خوراک یوه برخه ده. په اروپا کي د حشراتو درلودونکي خوراکونه په بشپړ ډول منع نه دي. خو تر اوسه ېې ښه بازار نه درلود.