په کابل کې په یوه ښوونځي او یوه روزنیز مرکز کې چاودنې شوي

په کابل کې د طالبانو د امنیې قوماندانۍ ویاند خالد ځدراڼ، د عبدالرحیم شهید په ښوونځي کې چاودنه تائید کړې ده، خو د مرګ ژوبلې د شمیر په هکله یې څه نه دي ویلي. هغه د ټویټر په پیغام کې لیکلي چې «د اتلسمې حوزې اړونده د عبدالرحیم شیهد په لیسه کې د درو بیلابیلو چاودنو له امله زموږ شیعه هیوادوالو ته تلفات اوښتي چې جریان به یې وروسته شریک کړو.»

لا تر اوسه د مرګ ژوبلې په هکله دقیق معلومات نه دي ورکړل شوي، خو د عیني شاهدانو په خبره چاودنې هغه مهال رامنځ ته شوې چې زده کوونکي له ښوونځي څخه د وتلو په حال کې وو او په خبره یې مرګه ژوبله یې اړولې.

دریمه چاودنه د دشت برچي په قلعه نو سیمه کې په یوه روزنیز مرکز کې رامنځ ته شوې ده.

دا خبر د بشپړیدو په حال کې دی...