د دونالد ترمپ د نيول کیدو احتمال او د تاوتریخوالي ویره

د امریکا پر پخواني ولسمشر دونالد ترمپ تور لگول کیږي چې په ۲۰۱۶م کال کې یي د خپل ټاکنیز کمپاین پر مهال د پورن یا لوڅو فلمونو یوې هنرمندې سټورمي ډینیئلز ته له ده سره د جنسي اړیکو درلودلو په هکله د چپ پاتې کیدو په بدل کې په غیر قانوني ډول ۳ میلیونه ډالره ورکړي و.

ترمپ تر دوه کلن بندیز وروسته بېرته فیسبوک ته راوګرځېد

نن د سه شنبې په ورځ (د مارچ میاشتې ۲۱ نیټه) ښايي ترمپ د نیویارک په مینهیټن محکمه کې تورن او پر ضد یې اقامای دعوی ثبت شي.

ترمپ دا تورونه رد کړي، خو که د ولسوالۍ څارنوال ایلون برګ هغه تورن کړي، نو هغه به د امریکا په تاریخ کې لومړنی پخوانی ولسمشر وي چې له دې ډول وضعیت سره مخامخ کیږي.

ترمپ په تیرو ورځو کې انديښنه څرگنده کړې وه چې کیدای شي د سه شنبې په ورځ هغه ونیول شي. نوموړي پر خپل پلویانو غږ کړی وو چې په هغه صورت کې دې بیا سړکونو ته را ووځي او پر احتجاج دې لاس پورې کړي. د ترمپ یوې پلوي ډلې د «ملي اعتصاب» غوښتنه کړې ده.

د ترمپ د دې غوښتنې په پام کې نیولو سره قانون پلي کوونکو ادارو د ممکنه تاوتریخوالي د مخنیوي په خاطر شدید امنیتي تدابیر نیولي او د ترمپ د مخالفینو او پلویانو ترمنځ د ممکنه نښتو رامنځته کیدو سره د مقابلې له پاره چمتووالی نیسي.

په اصل کې ترمپ پر خپلو پلویانو ټینگار کړی وو چې «احتجاج وکړي او خپل هیواد بیرته ترلاسه کړي». دې شعار چارواکو ته نوي ستونزې را ولاړې کړي دي، ځکه د ۲۰۲۱م کال د جنورۍ پيښې ور په یادوي، کله چې د ترمپ پاریدلو پلویانو له تشدد او تاوتریخوالي څخه په استفادې د امريکا د کانګرس پر ودانۍ برید وکړ.

ترمپ غواړي بیا ولسمشر سي

ترمپ اراده لري چې د ۲۰۲۴م کال د امریکا په ولسمشریزو ټاکنو کې یو وار بیا ځان کاندید کړي. په داسې یو وخت کې که هغه تورن شي، نو دا به د جمهوري غوښتونکو له پاره هم یوه آزموېنه وي چې له هغه څخه ملاتړ وکړي او که نه.

آژانسونه: ش.ن/ب.ص