د کوويد-۱۹ په وړاندې حیرانوونکی کشف
۱۳۹۹ بهمن ۱۰, جمعه
البيکانس څخه چې يوازې د ايبيزا ټاپو په اوبو کې ژوند او شتون لري، د سرطان ضد دارو درملو تر ناکامې درمنلې او اوس د کوويد-۱۹ تر بالقوه تراپۍ او درمنلې پورې: د هسپانوۍ کمپنۍ فارمامار د اپليدين په نوم دارو درملو ډېر اوږد سفر کړی دی چې ښايي اوس يوې ښې پايلې ته سره ورسيږي.
د ساينس په نوم مجله کې د هيلې وړ پايلې خپرې شوې دي چې له مخې يې دغه دوا د رمديسيوير په پرتله د سارس-کوو-۲ مرض په وړاندې ۲۷ برابره زيات تاثير لري.
د سرطان په درملنه کې ناکامه درمل
پخوا به اپليدين چې اصلي مواد يې پليتي دپسين نوميږي، د دکسامېتازون سره يو ځای د هډوکو د مغزو د يو ډول سرطان په وړاندې استعمالېدل. هغه د اپليديون آبليکانس په نوم له يوه سمندري ژوي څخه جوړيږي. دغه سمندري ژوي د بوټو په څېر ښکاري.
د اپليدين طبيعي ماده ښايي د ويروسونو، سرطاني دانو او د معافيتي سيستم د آرامولو تاثيرات ولري. اپليدين په آستراليا او سويل ختيځې آسيا کې د سرطان په درملنه کې کاريږي. خو د اروپايي ټولنې د دارو درملو ادارې EMA د هغه د رسمي کولو غوښتنليک حتی دوه وارې رد کړی دی، يعنې د ۲۰۱۷ کال په دسمبر او د ۲۰۱۸ کال په مارچ مياشتو کې.
خو په لابراتوار کې د سارس-کوو-۲ يعنې د کرونا له کبله د راټوکېدونکي مرض په وړاندې يې اغېزمنتيا اوس ثابته شوې ده. د ساينس مجلې په مقاله کې د دې توصيه کيږي چې په روغتون کې يې کلينيکي څېړنې اوس وغځول او پراخه کړای شي. اوسني تستونه په لابراتوار کې او په موږکانو باندې په نيويارک، سان فرانسسکو او پاريس کې شوې دي. په دغو تستونو کې وښودل شول چې د دغو موږکانو په سږو کې د ويروس کچه ۹۹ سلنه راټيټه شوه.
هانا فوکس/ن ص/ب ص
زموږ له آرشيف څخه: