جرمني: د مهاجرو له پاره د يوه کمپ جوړيدو پرضد اعتراض
۱۴۰۱ بهمن ۱۳, پنجشنبه
لکه څنگه چي په ويسمار کي پوليسو خبر ورکړي تر ۷۰۰ پوري کسان د غونډي د ودانۍ په مخکي راټول سوي ول تر څو د اوپاهل په کلي کي د مهاجرو له پاره د يوه کمپ د جوړيدو پر ضد مظاهرې وکړي.
د پوليسو په حواله د مظاهرو يو شمير ګډونکوونکو هڅه کوله چي د غونډي ودانۍ ته ننوزي خو د پوليسو له خوا يې مخنيوي وسو. په دې کار سره پوليس د هغوي له سختي غوصې سره مخامخ سول. د غونډي په جريان کي هم د يوه نامعلوم کس له خوا څو واره سوځيدونکي موادو ته اور واچول سو. دغه غونډه مخکي له مخکي پلان سوې وه او پوليس هلته حاضر ول.
اروپايي کمېسیون: پر اروپايي ټولني دېوال راگرځول د حل لار نه ده
د ځايي چارواکو په حواله ځايي شورا د خپلي غونډي په پاي کي د مهاجرو له پاره د کانټينرونو د استوگنځي د جوړيدو پريکړه تصويب کړه.
پوليسو د هغو ۱۲۰ کسانو چي د غونډي د ودانۍ مخي ته ولاړ ول، د غونډو جوړولو له مقرراتو څخه د سرغړوني په تور پلټني پيل کړي دي. د اور لگوني له امله د اداري سرغړوني په هکله پلټني رواني دي. دغه غونډه بلاخره د غونډي د مشر له خوا پاي ته ورسيده.
د ميکلينبورگ- فورپوميرن ايالت د زرغون گوند ځوانانو سازمان دا کار د ښي اړخه افراطيونو له خوا يو بريد وباله. د هغوي په خبره: «راسيستي شعارونه، مشعلونه او د غونډي تالار ته د ورننوتو هڅه له مشروع لاريونونو څخه ليري او د انسانانو له خوا توهين آميزه عمل دي.»
په اروپايي اتحادیه کې د پناه غوښتنې شمیرې د پام وړ ډیرې شوي
د ميکلينبورگ ايالت په حواله خبره په يوه صنعتي سيمه کي د ۴۰۰ مهاجرو او پناه غوښتونکو له پاره د کانتينرونو په ډول د يوه کمپ پر جوړيدو وه.
څه وخت مخکي په زاکسن ايالت کي هم د پناه غوښتونکو له پاره د کمپ د جوړيدو پرضد مظاهرې ترسره سوې. هلته د نورو ترڅنگ د آزاد زاکسن په نامه ښي اړخه گوند هم په منظم ډول ددغه کار په وړاندي مبارزه کوي. په باوتڅين کي پلان سوي لاگر ته د اکتوبر په مياشت کي اور اچول سوي وو.
GP/NZ/AG