بریتانیا هم له امریکا سره سم له افغانستانه ځپل ځواکونه باسي
۱۴۰۰ فروردین ۲۵, چهارشنبه
اعلان
د ټایمز په نوم رسنۍ ویلي دي چې بریتانیا هم غواړي چې له افغانستان څخه خپل نزدې ټول پوځیان د همدې کال د سپتمبر میاشتې تر یوولسمې نیټې پورې را وباسي.
د دغې ورځپاڼې په حواله بریتانیا داسې پلان چمتو کړی دی چې له مخې یې په کابل کې د افغان ځواکونو د روزنې اکاډمي چارې پخپله افغان حکومت ته وسپاري.
اوس مهال په افغانستان کې نزدې ۷۵۰ بریتانیاوي عسکر میشت دي چې د امریکايي پوځیانو له حضور پرته به ورته په افغانستان کې پاتېدل ستونزمن وي، ځکه بریتانیاوي ځواکونه تر ډیره حده پورې پر امریکایي اډو او بنسټونو باندې اتکا لري.