د خولې د بد بوی ليري کولو ساده لاري

توري چای د قهوې برخلاف د خولې د بد بوی په له منځه وړلو کي مرسته کوي. يا چای وڅښئ يا ئې غرغره کړئ.

تر سيگرېټ څکولو يا اوږي خوړلو وروسته د گشنيزو خوړل هم په دغه لار کي اغېزمن دي. د گشنيزو بوی د خولې د بد بوی ځای نيسي.

د غاښو په تار سره هره ورځ د غاښونو ترمنځ چولو پاکول د باکترياوو د له منځه وړلو سبب کيږي او په دې سره د خولې د بد بوی په کمښت کي مرسته کيږي.

په چايو کي د انجي اچول د خولې د بد بوی په کمښت کي مرسته کوي.

پر ژبه باندي د ليمو څو څاڅکي اچول او وروسته په خوله اوبه رغړول د خولې د بد بوی په له منځه وړلو کي ډېره مرسته کوي.

د خولې وچوالی کيدای سي د بد بوی سبب وگرځي. د ډېرو اوبو څښل د خولې بد بوی کموي.

د ډوډۍ تر خوړلو وروسته د يوه دانه هېل يا هېلي چايو څښل د خولې د بد بوی په کمښت کي زياته مرسته کوي.

هغه نباتات چي درمل ځني جوړيږي کولای سي چي د خولې د بد بوی او التهاب مخه ونيسي.

د ژاولو ژوول د خولې بوی اړوي.

آووکادو د معدې او کولمو له باکترياوو سره چي د خولې د بد بوی سبب کيږي مقابله کوي.

طبيعي مستې د هغو باکتري موادو د کمښت سبب کيږي چي د خولې د بد بوی لامل گرځي.

هره ورځ د غاښو پرېولل او په کال کي دوه واري د غاښو ډاکټر ته تلل د خولې د بد بوی په له منځه وړلو کي ډېر اغېزمن تماميږي.