کریکټ نړیوال جام: افغانستان په کومو لوبغالو کې لوبې کوې؟

په سږني نړیوال جام کې به افغانستان خپله لومړۍ لوبه له آسترالیا سره د جون مياشتي پر لومړۍ نیټه وکړي. دغه لوبه په برسټل کاونټي ګراونډ کې ده چې د نیول روډ، په نامه هم یادیږي. په دغه لوبغالې کې لومړنۍ پنځوس اوریزه لوبه په ۱۹۸۳م کال کې وشوه.

افغانستان به خپله دوهمه لوبه د جون میاشتې پر ۴مه نیټه له سریلانکا سره ولري. دغه لوبه په کارډیف ویلز لوبغالې کې کیږي چې د ۱۵۲۰۰کسانو د ناستې ځای لري. دغه لوبغالی په ۱۸۵۴م کال کې جوړ شوی ده. افغانستان خپله څلورمه لوبه د جون مياشتي پر پنځلسمه نیټه په همدې لوبغالي کې له سویلي افریقا سره لري.

د جون میاشتې پر اتمه نیټه افغانستان خپله دریمه لوبه له نوي زیلنډ سره کوي. په دغه لوبغالي کې په ۱۹۸۳م کال کې د بریتانيا لوبغاړي ډیویډ ګوور، د سریلانکا سره په لوبه کې سلیزه وهلې وه.

افغانستان به خپله پنځمه لوبه د کوربه هیواد بریتانيا سره د جون مياشتي پر ۱۸نېټه په مانچستر کې تر سره کړي. دغه لوبغالی په ۱۸۵۷م کال کې د مانچستر کریکټ کلب، د کورني ستدیوم په توګه پرانیستل شو. دغه لوبغالی د بریتانيا دوهم پخوانی لوبغالی شمیرل کیږي. په دغه لوبغالي کې د جون میاشتي پر ۱۶مه نیټه د هند او پاکستان لوبه هم ده.

په ټوله کې د ۲۰۱۹م کال د نړیوال جام په ترڅ کې په دغه لوبغالي کې پنځه لوبي کیږي. افغانستان په همپشایر لوبغالي کې د جون میاشتې پر ۲۲ نیټه له هند سره او پر ۲۴ يې له بنګله دیش سره خپل بخت ازمویي. د ۲۰۱۸م کال په آسیا جام سیالیو کې هند له بنګله دیش څخه یوه لوبه ګټلې وه او له هند سره یې لوبه مساوي شوې وه.

هیډنګلي لوبغالی په لیډز ښار کې دی او شاوخوا د ۱۷۵۰۰ کسانو ظرفیت لري. افغانستان په دغه لوبغالي کې دوې مهمي لوبې لري چې د جون مياشتي پر ۲۹مه له پاکستان سره د او د جولای مياشتي پر څلورمه نیټه بيا له ویسټ انډیز سره ده. د سږني نړیوال جام په تمریناتي سیالیو کې افغانستان خپلي سیالې لوبډلې پاکستان ته ماته ورکړه. خو په تمریناتي لوبو کې بیا ویسټ انډیز، د نیوي زیلنډ پر وړاندي ۴۲۱ منډې وکړې.