کاناډا له څلويښتو زياتو هېوادونو سره اړيکي پراخوي
۱۴۰۱ آذر ۷, دوشنبه
اعلان
کانادا غواړي چې د آرام سمندر په حوزه کې له څلویښتو هیوادونو سره خپلې اړیکې پراخې کړي. په دې توګه به د نورو ترڅنگ د متحده ایالاتو سره په سوداګرۍ باندې یو اړخیز تمرکز له منځه ولاړ شي. په ورته وخت کې، په سیمه کې د چین د مخ په زیاتیدونکي نفوذ سره راکمول یې هم يوه موخه ده. د 1.65 ملیارد یورو معادل پېسې چې د هند - پاسیفیک نوې ستراتیژۍ لپاره په پام کي نيول شوي، يوه برخه به يې د وسلو او سایبري امنیت په ساتلو مصرف شي. د کاناډا لومړي وزیر جسټین ټروډو وویل چې د هند - آرام سمندر سیمه د کاناډا په راتلونکي کې مهم او ژور رول لوبوي.