ډیجيټلي ټکنالوژۍ د لوبو شکل بدل کړی دی

اسپو مونشن ۲۰۱۹، په نندارتون کې د لومړي ځل له پاره د انټرنټي ګیمونو یا لوبو د مینه والو له پاره د «آی سپورټس ارینا» په نوم د فوټبال او باسکټبال د سیالیو زمينه مساعده کړای شوه. په دې سپورتي ټورنمنټ کې د آلمان د بایرن مونشن د فوټبال لوبډله په خاص ډول شامل کړای شوې وه.

د اسپو مونشن په ډیجیټلي څانګه کې ګډون کونکو له ورچوئل ریئیلیټي ګیمز یا لوبو څخه خوند واخیست. د ورچوئل عینکې په سترګو کړئ او له «وي آر» لوبو خوند واخلئ.

اوس په سختې یخنۍ کې اړ نه یاست چې ډیرې جامې ؤپيرئ. ځکه اوس د سمارټ (ځیرک) دستکشو، سمارټ خولۍ او په سمارټ بوټاکو کې د تودوخې درجه د ضرورت مطابق عیارولی شئ. د مبايل د بلوټو او ايپ په مرسته د دوی د حرارت درجه کنترولی شئ.

په دې نندارتون کې د اوبو پورې اړوندو مختلفو سپورې لوبو لکه، لامبو، سرفنګ .... او داسې نورو... سپورتونو کې کاریدونکي جامې او نور وسایل نندارې ته ایښودل شوې وې.

د سړکونو په غاړه د منډو او قدم وهلو پر مهال د «ایل اي ډي» د کوچنیو ګروپونو یا سراغونو درلودنکي سپورتي جامې کولی شي د ترافیکي پیښې له رامنځته کیدو څخه د مخنيوي په برخه کې مرسته وکړي.

په اسپو مونشن ۲۰۱۹ کې د ژمي موسم د ورزشي لوبو جوړونکو کمپنیو خپل نوي او مستحکم سپورتي وسایل او جامې نندارې ته وړاندې کړې وې. په دغو وسایلو کې د سکي لوبې د مخصوصو عینکو ترڅنګ نور اړين وسایل هم شامل دي.

د ژمې په سړه هوا کې د یخ وهلي سړک پر سر قدم وهل له خطر څخه خالي نه وي. د دغو بوټانو پر ربړ تلې (سول) له ۱۴ څخه تر ۱۹ انچه پورې اوږده میخونه نصب شوي دي چې په مرسته یې د وارو پر سر ګرځیدل آسانه کوي.

په دې نندارتون کې په ځانګړي توګه د سپورت د صنعت او تولید د سکتور پورې اړوندو ښځو، ښځينه لوبغاړو او د سپورتي وسايلو پيردونکو میرمنو له پاره پروګرامونه جوړ شوي ول، څو دوی هم له سړو سره اوږه په اوږه برخه اخيستنه زده کړي.

د مونشن په دې نندارتون کې د صنعت او تجارت د برخې تر ۱۵۰ ډیرو پاکستاني سوداګرو هم ګډون کړی وو. ډیري دغه ګډون کونکي د پاکستان د سپورت صنعت مرکز سیالکوټ پورې تعلق لري. په پاکستاني سپورتي تولیداتو کې د فوتبال توپونه، د هاکي او کرکیټ توپونه او د بوکس دسکشې شامل دي.

د موسم او واورو له وریدو څخه په استفادې د نندارتون تنظیمونکو غر ته د ختلو پر مهال کاریدونکي خیمې درولې وې.