په ميکروسکوپ اخيستل سوي بې جوړې انځورونه

د ګوخر کب تصویر د نیکون د مسابقې "Small World photography contest" لمړی مقام تر لاسه کړی دی. دغه تصویر څلور واره غټ سوی دی.

د دلقک کب له اولي ورځي څخه تر نهمي ورځي پوري د ودي د جریان عکس؛ دلقک کب لومړی نر زيږي او وروسته د وخت په تیریدو سره خپل جنسیت تغیروي. دغه عکس لس چنده غټ سوی دی.

یا ښه دا دی چي ووایو د خوږو اوبو د حلزون ژبه چي له هغې څخه بدن ته د غذا د میده کولو او انتقال په خاطر استفاده کوي. دغه تصویر۴۰ چنده غټ سوی دی.

د يوې سمارق د تارونو په منځ کي نوراني ګردې. دغه تارونه لوله اي شکله رشتې دي، چي د ټولو سمارقو(پوڅکۍ) ساختماني واحد جوړوي، په استثنأ د مخمرونو او آکتینو باکټري. دغه عکس ۶۳ واره غټ سوی دی.

دغه پتنګ ته په علمي ژبه«اګروتیس اینفوزا» او ځیني وختونه هم «بګونا» ویل کیږي. په بڼکو کي د هغه د راوتلي سترګي د طرحي په سبب هغه ته د «بوف پتنګ»نوم ورکول سوی دی. دغه عکس پنځه چنده غټ سوی دی.

د یونان د هبه ګل(Hebe )یا «ځوانۍ الاهه» چي هغه ته «شنه تره تیزک» هم ویل کیږي، په نیوزیلنډ او جنوبي امریکا کي کرل کیږي او ۹۰ ډولونه لري. پخوا فکر کیدی، چي دغه بوټی خپله خاصه کورنۍ لري، خو اوس د سیزاب«ورونیکا» په فامیل پوري تړل کیږي. دغه عکس لس چنده غټ سوی دی.

میده تارونه یا میکروبول،(د انځور نارنجي برخه) د پروتین د جنس څخه دي، چي اسکلیټي حجرې تشکیلوي. د حجرې منځ په زنګالي رنګ باندي لیدل کیږي. دغه عکس ۶۳ واره غټ سوی دی.

د لمر پرسته وده اوږده پروسه لري او په ځینو ډولو کي حتی تر دوو میاشتو پوري دوام کوي. خو هغه د هګۍ څخه تر وتلو وروسته په ډیري چټکۍ سره نمو کوي. دغه عکس لس چنده غټ سوی دی.

د انسان د مغز سره د هیپوکامپ د عصبي حجرو د رابطې تصویر. هیپوکامپ د حافظې د کنټرول ثابت او مؤقتي مرکز دی. هیپوکامپ په مغز کي د محدودو مکانونو څخه دی، چي په دوامدره ډول سره هلته نورونونه یا عصبي نیورونونه تولیدیږي. دغه عکس ۶۳ واره غټ سوی دی.

د شپږو له خاندان څخه يو ډول چي د دافنیا(Daphnia) په نوم ياديږي د خوږو اوبو د شنې شپږي په نامه هم شهرت لري. دغه عکس لس چنده غټ سوی دی.