په اوکراين کي جنګ؛ د جي ۷ هيوادونو د عدليې د وزيرانو غونډه

په برلین کې په یوه غونډه کې د جي۷ هیوادونو د عدلیې وزیران په اوکراین کې د ترسره شویو جنګي جنایتونو د څیړلو په اړه خبرې کوي. د آلمان عدلیې وزیر مارکو بوشمن تر غونډي دمخه وویل چې هدف یې د جنګي مجرمینو عدالت ته راوستل دي. سږکال آلمان د اوو مخکښو صنعتي هیوادونو جي ۷ ډلې مشري پر غاړه لري. بوشمن له اوکراین څخه یوه پلاوي ته هم بلنه ورکړې ده. د کیف حکومت په اوکراین کې د روسیې د جرمونو په اړه د یوې ځانګړې محکمې د جوړيدو ملاتړ کوي.