مهاجرت: فرونټکس او شمالي مقدونیا غواړي ګډ کار سره وکړي

د همدغي همکارۍ مطابق یو قرارداد د شمالي مقدونیې داخله وزیر، اولیور سپازوسکي او د اروپا د اتحادیې د داخلي مسایلو کمیسارې، یلوا یوهانسن په پایتخت سکوپيا کي امضأ کړ. 
ویل کیږي، چي د دغه قرارداد مطابق به د غیر قانوني مهاجرو د راتګ او انساني قاچاقبرانو پرضد کار تقویه سي. خو که د فرونټکس مامورین شمالي مقدونیا ته سفر کوي، سکوپيا باید وختي د هغه څخه خبر او موافقه ورسره وکړي. د اروپا د اتحادیې پارلمان هم باید دغه قرارداد تصویب کړی. 
په همدې حال کي د اروپا اتحادیه د بالکان په نورو هیوادونو کي هم د فرونټکس د کار ساحه پراخوي.