مهاجرت: د م.م. ۶ ميليارد ډالره کې د افغانستان برخه څومره ده؟

د دغه انځوريز رپوټ انځورونه د دويچه ويله له آرشيف او ارقام د ملګرو ملتونو د مهاجرت ادارې له ويب پاڼې څخه اخيستل شوي دي.

د مهاجرت د نړيوالې ادارې د کلنۍ بودجې ډیره زياته برخه پيسې د امريکا متحده ايالتونو لخوا مرسته کيږي. د دغې برخې يوازې ۲ سلنه يې د امريکا په وچه کې پر مهاجرو لګول کيږي.

پاکستان ۲ سلنه، ايران ۲ سلنه، ميانمار ۱ سلنه او ۲ سلنه نوره بوديجه د اسيا په نورو برخو او آرام سمندر کې د مهاجرت په چارو کې لګول کيږي.

د ملګرو ملتونو د مهاجرت اداره د خپلې سږنۍ بوديجې له هرو ۱۰۰ ډالرو څخه ۲ ډالره يې افغانستان ته ځانګړې کړي دي. په دې حساب د ۶ اعشاريه ۱ ميليارډ امريکايي ډالرو څخه ۱۲۲ ميليونه يې د افغانستان برخه ده.

د مهاجرت ادارې د سږنۍ ۶ اعشاريه ۱ ميليارډ دالر بوديجې څخه ۹ سلنه برخه يې په اسيايي هيوادونو کې لګول کيږي.

ترکيه ۷ سلنه، يونان ۴ سلنه او پاتې ۴ سلنه نورې پیسې د اروپا په نورو برخو کې د مهاجرت په چارو لګول کيږي.

د ملګرو ملتونو د مهاجرت برخې د ۲۰۱۷ کال د ۶ اعشاريه ۱ ميليارډ ډالرو بوديجې څخه ۱۵ سلنه يې په اروپا کې د مهاجرو په چارو کې لګول کیږي.

عراق ۹ سلنه، لبنان ۹ سلنه، سوريه ۶ سلنه، اردن ۵ سلنه، او پاتې ۷ سلنه نوره برخه د همدې سيمې په نورو برخو کې لګول کيږي.

تر افريقا وروسته د مهاجرت نړيواله اداره د خپلې بوديجې ډیره برخه پیسې (۳۶ سلنه) په منځني ختيځ او سويلې افريقا کې مصرفوي.

يوګاندا ۵ سلنه، ايتوپيا ۴ سلنه، کينيا ۴ سلنه، کانګو ۳ سلنه، سويلي سوډان ۳ سلنه، چاد ۳ سلنه، سوډان ۲ سلنه او پاتې ۱۴ سلنه پيسې د همدې وچې په نورو سيمو کې لګول کیږي.

د مهاجرت نړيوال سازمان د خپلې کلنۍ بوديجې څخه تر ټولو زياته برخه ( ۳۸ سلنه) يې په افريقاي هيوادونو کې لګوي.