ملګرو ملتونو د ننګرهار پیښه وغندله

د ملګرو ملتونو ویاندې ستیفن دوجریچ، د جمعې په ورځ (د ۲۰۱۹ کال د اکتوبر ۱۸مه) په نیوریارک کې خبریالانو ته وویل چې «د برید له مسوولینو څخه باید حساب واخیستل شي.»

یوه افغان چارواکي ویلي دي چې د جمعې ورځې په چاودنه کې لږ تر لږه ۶۲ تنه وژل شوي. د ملګرو ملتونو ویاند بیا وویل چې د دې سازمان مشر «د پیښې قربانیانو ته خپل ژوره خواخوږي او تسلیت وړاندې کوي او د ټپیان له پاره د ژر د روغتیا هیله لري».

ستیفن دوجریچ روښانه کړه چې د ملګرو ملتونو سرمنشي یو ځل بیا د افغانستان له خلکو او حکومت سره پر خپلې بستګۍ ټینګار کړی دی.

لا تر اوسه پورې کومې ډلې د دغه برید پړه نه ده منلې خو ځايي چارواکي د چاودنې مسوولیت پر اسلامي دولت ترهګرې ډلې یا داعش اچوي. د چاودنې سیمه تر همدې کاله پورې د داعش تر کنترول لاندې وه.

(ms/ aa (AP)