د چین له خارجه وزیر سره د افغانستان په اړه د ناټو خبري
۱۴۰۰ مهر ۶, سهشنبه
د ناټو د عمومي منشي، ینس ستولتنبیرګ په حواله طالبان باید هغه مکلفيتونه پر ځای کړی چي ژمنه يې کړې وه. هغه له تروریزم سره مبارزه او د بشر حقوق مراعت ول دي.
په افغانستان کي د ناټو د نظامي ماموریت تر ختم لږ وروسته طالبانو قدرت بیرته ونیوی. دا هم پداسي حال کي ده چي د ناټو د دوو لسیزو ماموریت هدف دقیقأ همدا وو چي د داسي یو کار مخنیوی وکړي.
د ناټو له غړو هیوادونو سره اوس دا تشویش موجود دی چي چین به کوښښ وکړي، په افغانستان کي د نوي حالت څخه د ځان په ګټه استفاده وکړي، کوم چي به د ستولتنبیرګ په خبره د افغانانو له پاره منفي عواقب ولري.
سربیره پردې ستولتنبیرګ د چین دخارجه وزیر، وانګ یي سره د دغه هیواد د امنیتي سیاسي تګلاري په باب خپل تشویش بیان کړی دی. په مشخص ډول هغه د چین د اټومي وسلو او نظامي تجهیزاتو د عصري کولو په هکله د شفافیت نه موجودیت په اړه تشویش ښکاره کړی دی.
سربیره پردې ستولتنبیرګ له چین څخه غوښتي دي، چي بین المللي مکلفیتونه مراعت او مسؤلانه عمل تر سره کړي.