د پښتو ژبې ولسي سندرغاړې زرڅانګه په خیمه کې ژوند کوي.

د پښتو ولسي موسیقۍ ملکه، زرڅانګه اوس ۸۱ کلنه ده. هغې ته پښتو موسیقۍ کې دولتي مډالونه هم ورکړل شوي.

زرڅانګې ډېرو هېوادونو کې موسیقي کړې؛ دې له المان تر امریکا او له عراق تر نورو هېوادونو د خپل هنر پر مټ ډېر خلک خوښ ساتلي.

هغه وايي: »مرګ خو شته، که مړه شم دا خلک به ماته راځي، چې زرڅانګه مړه شوه. دا جونګړې کې به پرته یم، وایې به دا وګوره که پاکستان یو فلاټ ورکړی وی خپله کوټه به یې پکې جوړه کړې وای.«

خو هغه اوس د خپلې کورنۍ له غړو سره په خېمه کې اوسېدو ته اړه ده.

زرڅانګه وايي، پاکستان کې سندرغاړي او موسیقي غږوونکي ډېر نه قدرول کېږي.