د پاکستان په څو ښارونو کې برېښنا نه شته
۱۴۰۱ بهمن ۳, دوشنبه
د فرانسې خبري آژانس په خپل رپوټ کې لیکلي دي چې د پاکستان د برېښنا د وېش سیستم پېچلی دی او د برېښنا شبکې په یوه برخه کې ستونزه کیدای شي په ټول هیواد کې د برېښنا نظام ګډ وډ کړي.
په تیرو دوو کلونو کې څو ساعتونو په ټول هیواد کې د بې برقۍ ستونزه د دوشنبې په سهار اووه نیمې بجې د برېښنا په عمومي شبکه کې د ستونزې له کبله رامنځ ته شوې.
د پاکستان د انرژۍ وزارت د ټویټر په یوه پیغام کې لیکلي دي چې د لومړنیو رپوټونو له مخې د سهار په ۷:۳۴ دقیقو د برېښنا د مرکزي شبکې سیستم فریکونسي راکمه شوه چې د برېښنا په نظام کې لویه ګډوډي رامنځ ته شووه. زیاته شوې ده چې د سیستم د بیا فعالیدو له پاره په چټکۍ سره کار روان دی.
د پاکستان د انرژۍ وزارت په وینا د برېښنا د ترمیمي چارو کار روان دی او د اسلام آباد او پېښور په ځینو برخو کې بیا برېښنا فعاله شوې ده.
د کراچۍ بندري ښار چې تر ۱۵ میلیونه زیات نفوس لري او همداشان لاهور چې تر لسو میلیونو زیات کسان پکې ژوند کوي برېښنا پکې لا نه ده فعاله شوې.