د نړیوال جام د پرانیستلو مراسم په انځورونو کې

د دغو مراسمو د پرانستې په مراسمو کې د برازیل دری عنصره «طبیعت، انسان او فوټبال» چې د دغه هیواد دری خزانې گڼل کیږي د یوه په زړه پوری جشن په ترڅ کې ننداری ته وړاندې کړای شول. د بومي قبیلو له جگړو څخه نیولې بیا د کارنیوال تر دودیزو نڅا پوری، هر څه ننداری ته وړاندې کړای شول.

د ۲۰۱۴ کال د فوټبال د اتلولې د پرانستې په مراسمو کې تر ۶۲ زرو ډیرو نندارچیانو د برازیل د سانپاولو په ښار کې د کورینتیانس په لوبغالي کې گډون کړی وو. په دې مراسمو کې د برازیل ولسمشر دیلما روسف، د فوټبال د نړیوال فدراسیون ريئس سپ پلاتر، او د ملگرو ملتونو عمومي منشي بان کيمون هم حضور درلود.

د دغو مراسمو په پیل کې یو لوې توپ چې د ال ای دی په ۹۰ زرو څراغونو روښانه شوې وو د سانپاولو د آسمان پر لور واستول شوه.

د نړیوال جام په پرانیستونکو مراسمو کې ۶۶۰ تنو هنرمدانو بیلابیلې نندارې وړاندې.

په برازیل کې د فوټبال د نړیوال جام د پرانیستلو په مراسمو کې د دغه هیواد سیمه ییزه نڅا هم نندارې ته وړاندې شوه.

په پرانیستونکو مراسمو کې د برازیل طبیعت او بوټې د نندارو یوه محوري موضوع وه.

د پرانیستونکو مراسمو د لیدونکو شمیر په ټولې نړۍ کې له یوه میلیارد کسانو څخه ډیر اټکل شوی دی.

د مراسمو په پیل کې د برازیل طبیعت نندارې ته وړاندې شو. تر هغه وروسته له موسیقي او نڅا سره د برازییانو علاقه د نندارو موضوع وه. د مراسمو دریمه موضوع به فوټبال سره د برازییانو مینه وه.

په دغو مراسمو کې د جنفر لوپیز، کلاودیا لی او پیت بال په څیر سندرغاړو هم خپل هنرونه نندارې ته وړاندې کړل. هغه د سږني کال رسمي سندره We are one هم سره یوځای وویله.

تر پرانیستونکو مراسمو وروسته برازیل د کرواشیا پر وړاندې لوبه وکړه چې دغه لوبه برازیل د درو گولونو په وهلو او یوه گول له خوړلو سره وبایلله.

پرازیلیان هیله لري چې وشي کړای د شپږم وار له پاره نړیواله اتلولي پخپله کړي. دغه هیواد په ۱۹۸۵، ۱۹۶۲، ۱۹۷۹، ۱۹۹۴ او ۲۰۰۲ کال کې نړیوال جام گټلی وو.