د نن ورځې تر ټولو خطرناک اور شیندونکي غرونه او سیمې کومې دي؟

په ۲۰۱۰م کال کې په آیسلنډ کې پروت دغه اور شیندونکي چاودنه وکړه. د چاودنې له مله یې د دې سیمې په آسمان کې د دودونو کثیفه پرده خپره شوه چې له امله یې په ګڼ شمیر لویو وچو کې د الوتکو پروازونه هم په شدیده توګه ګډ وډ شول. د یوې اونۍ په ترڅ کې د کابو یو لک مسافرینو پروازونه وځنډیدل.

د ایټالیا د ټاپوګانو سلسلې په واورو کې پټ ماونټ آیټنا نه یوازې د اروپا تر ټولو ستر اور شیندونکی غر دی بلکه دا د اروپا په کچه تر ټولو فعال اور غورځونکی غر دی. کله هم کم او کله هم په ډیره شدیده توګه له دې اور شیندونکي غره څخه اورونه غورځي. په ۲۰۱۷م کال کې د دې غره تر اور شیندنې وروسته د دود او تیږو او کاڼو تر وریدو وروسته لس کسان ټپي شوي وو.

په اندونیزیا کې د سیلانیانو په قول د جنت په شان سیمه هم کله کله اورونه شیندي. د ۲۰۱۷م کال په نومبر میاشت کې او بیا وروسته د ۲۰۱۸م کال په جون میاشت کې یو ځل دغه اور اچونکی غر فعال شو او له امله یې په دې سیمه کې هوايي ډګرونه وتړل شول. هغه مهال په دې ټاپو کې زرګونه سیلانیان هم بند پاتې شوي وو.

د روان کال په جون میاشت کې په ګواتیمالا کې د «وولکان ډي فیوګو» په نامه یو اور شیندونکی غر په ناڅاپي توګه فعال شو او له امله یې سلګونه کسان ووژل شول او ځینې یې لا هم لادرکه دي. د دې غره تر چاودنې وروسته په آسمان کې تور دود خپور شو چې له امله یې شاوخوا سیمې ډیرې زیانمنې شوې.

د امریکا په هاوايي ایالت کې د کیلوییا په نامه یو اور شیندونکی غر د ۱۹۸۳م کال راهیسې کله کله اور شیندي. له دې غره څخه د اور شیندني په برخه کې د روان کال په اوږدو کې زیاتوالی راغلی چې له امله یې د دې غرونو ته څیرمه ګڼ شمیر سړکونه او کورونه هم ویجاړ شوي دي.