د مکسيکو سرحد ته ۱۵۰۰ مهاجر رسېدلي دي
۱۳۹۷ آبان ۷, دوشنبه
د فرانسې خبري آژانس په حواله، پوليسو شاوخوا۱۵۰۰ مهاجر د ګواتيمالا او مکسيکو تر منځ راګرځولي دي.
د هندوراس د مهاجرو د شمير ډيروالی د دې سبب شوی چې دوی ځانته د مخته تلو اجازه ورکړي، خو د هغوی پر مخ اوسپنيزي دروازې درول شوي، تر څو و نه شي کړای د مکسيکو حريم ته داخل شي.
د ګواتيمالا د بشري حقونو له ادارې څخه جوردن روداس په خپل يوه بيان کې د خپل هيواد پر چارواکو غږ کړی دی چې د هندوراس د مهاجرو ساتنه دي وکړي.
هندوراسيان په خپل هيواد کې د فقر او مافيايي تاوتريخوالو له وجې اړ شوي چې له خپلې خاورې وتښتي.
د ملګرو ملتونو په حواله، شاوخوا دوې اوونۍ مخکې د هندوراس يوه ډله مهاجر چې شمير يې ۷ زره اټکل شوی، په دې وتوانيدل چې د مکسيکو پر لور خپله لاره خلاصه او دغه هيواد ته داخل شي.
د هندوراس مهاجر په داسې حال کې پلې د سرحد پر لور خپلو سفرونو ته ادامه ورکوي، چې د امريکا ولسمشر دونالد ترمپ پر خپلو سرحدونو د مهاجرو د مخنيوي په موخه، پوځي ځواکونه ځاي پرځای کړي دي.
د مکسيکو يوه تلويزيوني چينل د مهاجرت ادارې يو مامور په داسې حال کې وښود چې د هندوراس مهاجرو ته د اوسپنيزې دروازې تر شا وايي چې تاسو هيواد ته په «آرامه او محفوظه» توګه دننه کيدو له پاره اړ ياست چې «قانوني لارې چارې» تقعيب کړئ.
د مکسيکو چارواکو د يکشنبې په ورځ يووار بيا وویل چې هندوراسيانو ته دې د مهاجرو په توګه د داخلیدو اجازه ورکړل شي.
له آرشيف څخه يو انځوريز البوم: