د مهاجرتونو او بيځايه شويو بيساری نړيوال ريکارډ

د مهاجرت نړيواله اداره: حاضر دمه د نړۍ په کچه د مهاجرتونو او بيځایه شويو د تر ټولو لوړ ثبت شوي ريکارډ شاهد يو.

حاضر دمه په ټوله نړۍ کې ۶۵ اعشاريه ۳ ميليونه انسانان په جبري توګه دې ته اړ شوي چې خپل کورونه پريږدي.

له ۶۵ ميليون بيځایه شويو له ډلې څخه نژدې ۲۱ اعشارېه ۳ ميليونه یې مهاجر شوي دي.

له ۲۱ اعشاريه ۳ ميليون مهاجرو له ډلې څخه، له نيمايي زيات يې له ۱۸ کلونو څخه د کم عمر لرودونکي ماشومان دي.

نن ورځ په نړۍ کې شاوخوا ۱۰ ميليونه انسانان بې وطنه دي. دغو کسانو ته تر څنګ د دې چې تابعتونه ندي ورکړل شوي، د ژوندانه له اساسي حقونو لکه تعليم، روغتيايي خدمات او داسې نور څخه محروم دي.

د مهاجرت نړيوالې ادارې روان لمريز کال په افغانستان کې د بيځایه شويو کورنيو لپاره تر ټولو سخت کال ښودلی دی.

د نړۍ په کچه د هرو ۱۱۳ کسانو له ډلې څخه يو تن يې يا مهاجر او يا په خپل هيواد کې بيځایه شوی دی.

د نړۍ په کچه په هره ورځ کې ۳۴۰۰۰ کسان په جبري توګه له خپلو کورونو څخه بيځایه کيدو ته اړ کيږي.

د نړۍ په کچه په هره دقيقه کې ۲۴ کسان له خپلو کورونو څخه د مختلفو عواملو له وجې بيځایه کیږي.

تازه مهاجرتونو د مرګونو په برخه کې هم خپل تر ټولو لوړ ريکارد جوړ کړ. تير کال شاوخوا ۵ زره مهاجر يوازې د سمندر په اوبو کې اروپا ته د راتلو پر وخت مړه شول.

دغه ارقام د ملګرو ملتونو د مهاجرت ادارې د ويب پاڼې د معلوماتو او د دغې ادارې د رپوټونو په حواله خپاره شول. دغه اداره وايي چې د نړۍ په ۱۲۸ هيوادونو کې د مهاجرت په چارو کې فعاليتونه لري. انځورونه: دويچه ويله آرشيف