د طالبانو درې کلنه واکمني؛ افغانستان کې وضعیت څه ډول دی؟

د طالبانو له درې کلنې واکمنۍ وروسته په افغانستان کې څو اړخیز بحرانونه دوام لري. د کارپوهانو په اند، د بشري حقونو خراب وضعيت، د ښوونې او روزنې زوال، د کډوالۍ ډیریدل او د افغانستان سیاسي انزوا له درو کلونو راهيسي د طالبانو د واکمنۍ پایله ده. د دغې ډلې تر ټولو لویه لاسته راوړنه امنیت ګڼل کیږي، چې د کار پوهانو په وینا دا هم لاسته راوړنه ځکه نه شي کیدای چې طالبان د نا امنۍ لامل و.