د ترکيې ناکامه کودتا په انځورونو کي

کودتا د استانبول په وخت د شپې په نه نيمو بجو پيل شوه.

د ترکيې پلازمېنه انقره د خونړیو نښتو شاهده وه.

په ځينو سيمو کې پوليس له کودتاچيانو سره ونښتل.

په زرونو خلک د پوځي کودتا په وړاندې له پله واوښتل او استانبول ته ورداخل شول.

وګړو يو زغرور پوځي محاصره کړی دی.

د ترکيې ولسمشر، رجب طیب اردوغان، د تلويزيوني پيغام له لارې له خلکو وغوښتل چې د کودتاچيانو په وړاندې مقاومت وکړي.

پوځيانو په دغه شپنۍ کودتا کې اعلان وکړ چې پوځي حکومت يې رامنځ ته کړی دی.

رجب طیب اردوغان دلته د استانبول په هوايي ډګر کې ليدل کيږي.

په ترکيه کې پوځي کودتا په کوڅو کې د عامو خلکو په لاس مات شو.

د پوځيانو اعلان د نورو رسنيو تر څنګ د "آرتی‌آر" خبري راډيو تلويزيون له لارې هم خپور شو.

په زرګونو خلکو په کوڅو کې د کودتاوالو پر ضد لاریون وکړ.

اردوغان د خپلې روغتيا ډاډ ورکړ او ويې ويل چې هيڅوک دې اندېښنه ونه لري. له ولسه يې وغوښتل چې د اتاترک هوايي ډګر او کوڅو ته راووځي.

ويل کيږي چې کودتا د منځنۍ رتبې د قوماندانانو له خوا شوې ده. لومړی يې لوی درستيز برمته کړی وو.

د کودتا مخالفينو په دې کې مرسته وکړه چې د پوځي کودتاچیانو اهداف ناکامه پاته شي.

د اردوغان او جنرال هولوسی آکار تر منځ ليدنه وشوه. آکار د ترکيې لوی درستيز دی چې کودتاچيانو يرغمل کړی وو.

قهرېدلو خلکو پر کودتا پلوو سرتېرو بريد وکړ

خلک له کودتاچیانو سره د مقابلې او د ټانک د نيولو پر مهال

په انقره کې د پارلمان پر ودانۍ بمباري وشوه

پولیسو او خلکو يو ځای له کودتاچي پوځيانو سره مقابله وکړه

د انادولو د خبري اژانس په حواله اردوغان پوځي کودتا «ستر خيانت» بللی دی او ويلي يې دي چې هغه به کودتاچيانو ته په ډېره جګه بيه تمامه شي.

د دولت پلويان د پله د پاسه د دغې «تاریخي» ورځې په پلمه عکسونه اخلي.