د المپيک لومړۍ ورځ په انځورونو کې

د جودو لوبغاړي، څای مينګ يېن، له ټايوان څخه د ۶۰ کيلوګرام وزن لرونکو جودوکارو په لومړنيو سياليو کې سرچپه ليدلوری خپل کړ څو ريو او د المپيک لوبې له بلې زاويې څخه ننداره کړي.

د ځمکني جمناستيک په سيالۍ کې د آلماني لوبغاړي، اندرياس توبا، زنګون ژوبل شو. د دې له پاره چې د خپل ټيم چانسونه شنډ نه کړي، نوموړي له لنډې دمې وروسته بېرته مسابقې ته دوام ورکړ او خپل دردونه يې وزغمل. هغه بريالی شو او ټيم ورپسې پړاو ته لاره وموندله.

اېريکا کيرپو (کيڼ لاس) له استونيا او سارا بېسبېس له تونس څخه د تورې د مقابلې پر مهال.

ايرانۍ، مهسا جاور، د يو نفري کښتۍ سيالي په ۸ دقيقې، ۳۹ ثانيې او ۲۸ سلمو ثانيو پای ته رسوي چې په دې سره ۲۱م مقام خپلوي.

سوراجو ساکا له کانګو څخه د خپلې لومړنۍ لوبې پر مهال. د پورتو ريکو له براين آفانادور څخه يې البته لوبه وبايلله.

د رينګ يا کړيو تمرينات د بدن په سر بشپړ کنترول غواړي. ريوهاي کاتو له جاپان څخه پکې ډېر بريالی وخوت.

د وارخطايۍ شېبه: يوه خطا شوې د ټوپک مرمۍ د آس سوارۍ د ډګر د پاسه لګېدلې چې د خبريالانو خېمه يې ورسورۍ کړه. له نېکه مرغه څوک ژوبل نه شول.

د بايسکل د ځغاستې له ډګر ها پلو يوه بې مالکه بسته د خلکو د ناکرارۍ سبب ګرځي. پوليسو دغه بسته والوځوله. خو وروسته څرګنده شوه چې په کڅوړه کې دننه يوازې جامې وې.

په ډېر زور سره د لاس انجلس کليپرس د باسکټبال ټيم لوبغاړی، دې اندرې جوردان، توپ په باسکټ يا «ټوکرۍ» ورننه باسي. په دې سره چين د امريکا متحده آيالاتو د ټيم په وړاندې ۶۲:۱۱۹ ماته وخوړله.