تبصره: پاکستانیان ولې له خپل افغان ورونو دومره نفرت کوي؟
۱۳۹۸ تیر ۱۰, دوشنبه
د هیډنګلي په میدان کې د لوبې د مینه والو غبرګون دومره پرتشدده او جنوني وو، چې تر دې دمخه د انګلستان په کومه لوبغالې کې نه وو لیدل شوی.
د دغې لوبې ترمخه او وروسته په ټولنیزو رسنیو کې ځینې پاکستاني مینه وال د افغانانو له پاره د کرکې ډکې جذبې څرګندوي. له بل اړخه د افغان کریکټ مینه والو له خوا هم دغه ډول غبرګون ښوول شوی دی.
پاکستانیانو ته د خپلو افغان ورونو پر وړاندې دومره کرکه چا او ولې ور زده کړه؟
په پاکستان کې له خاکروبه نیولې تر لومړي وزیره ټول دا وایي چې دا د جنرال ضیاالحق آمرانه پالیسۍ وې، چې پاکستان یې نن بیه پرې کوي.
د افغانستان په هکله د ضیا الحق پر پالیسۍ هم انتقاد کیږي او ویل کیږي چې د دې پالیسۍ په پایله کې په افغانستان کي د امن راتلل ستونزمن دي او په پاکستان کې هم افراطیت وده کړې.
د ښه ډول حکومتولۍ نشتوالی، په افراطیت کې زیاتوالی، په سیاست کې د پوځ نقش، د رسنیو او بیان پر آزادۍ بندیزونه، د ښځو د حقوقو محدودول او دې ته ورته د نورو سیاسي او ټولنیزو ستونزو یو لوی فهرست دی، چې کله پرې خبرې هم کیږي نو مسوول یې ضیاالحق بلل کیږي.
خو د ضیا د واکمنۍ د ختمیدو ډیره موده کیږي او په وضعیت کې کوم بدلون نه تر سترګو کیږي. اغلبا د دې یوه وجه دا هم کیدی شي چې ښایي موږ افغانستان د یوه خپلواکه هیواد په توګه نه دی تصور کړی.
له هند سره د افغانستان د اړیکو د ښه کیدو په اړه هم په پاکستان کې د ځینو حلقو ترمنځ سخته غوسه لیدل کیږي. همدا وجه ده دا چې اغلبا د کریکټ د یوې لوبې پر سر په پاکستانیان افغان ولس «احسان فراموشه» او «نمک حرامه» بللي.
په داسې حال کې چې د یوه هیواد د بهرنۍ او دننۍ پالیسې له کبله د یوه بل هیواد او دلته به مناسبه وي چې وویل شي چې د یوه بل هیواد عوام باید داسې غوسه نه شي.
د کریکټ د یوه مینه وال په توګه د پاکستان او افغانستان ترمنځ د لوبې په ترڅ کې چې په لوبغالې کې څه وشول او تر هغې وروسته چې په ټولنیزو رسنیو کې کوم ناسم بحثونه وشول زه پر زیات وکړیدلم.
د پاکستان او افغانستان تر منځ د دې او نورو ناخوالو حل په دې کې دی چې د پاکستان غښتلې حلقې په تیر وخت کې شوې غلطۍ ومني او د هغې د سمولو هڅه وکړي.
تیر پر تير هير پر هیر. اوس مخ پر وړاندې تګ په کار دی او پرته له دې چې پر چا باندې د ستونزو پړه واچول شي، د خپلې ګډې بهترۍ له پاره باید خپله کوښښ وکړو. کله نا کله خو زه داسې حس کوم چې په پاکستان کې موږ جنرال ضیاالحق د خپلې «قربانۍ ګډوری» ګرځولی دی؟
عاطف بلوچ، د دویچه ویله د اردو څانګې خبریال
یادونه: په دويچه ويله کي خپرېدونکي بلاگونه د ليکونکي يا ليکونکې خپل شخصي نظر وي او حتمي نه ده چي دويچه ويله ده ورسره موافق وي.