«بې پيلوټه اوکرایني الوتکو په مسکو کې اهداف په نښه کړي دي»
۱۴۰۲ مرداد ۸, یکشنبه
د مسکو ښاروال سرگئې سوبیانین، د یکشنبې په ورځ په خپل تلگرام کې ولیکل: «دوو اوکرایني الوتکو تیره شپه برید وکړ او د دوو اداري ودانیو مخکنۍ برخه یې لږه ویجاړه کړې ده.» سوبیانین زیاته کړې ده چې د تیرې شپې بریدونو ځاني تاوان نه دی اړولی.
کيف باندې د توغنديو بریدونه او پر مسکو باندې د ډرون حمله شوې ده
مسکو او د دې ښار اطراف د اوکراین د سرحد په ۵۰۰ کیلومترۍ کې موقعیت لري. ډیر کم به داسې پيښ شوی وي چې دغه سیمه دې مخکې تر دې تر برید لاندې نیول شوې وي. خو اوس د روسیې په مرکز کې د بې پيلوته الوتکو د برید په هکله رپوټ ورکول کیږي.
دغه برید په مسکو کې پر کرملین او نورو نږدې ښارونو د بې پیلوټه الوتکو د بریدونو د لړۍ يوه برخه ده چې روسیه یې په اړه اوکراین تورنوي.
مسکو د روانې میاشتې په لومړیو کې د پنځو اوکرایني بې پیلوټه الوتکو د را نسکورولو خبر ورکړی و چې د روسیې د ونوکوو هوایي ډگر فعالیتونه یي مختل کړي وو.
پر مسکو بيا د بې پيلوټه الوتکو بريدونه سوي
د بې پيلوټه الوتکو دغه بریدونه د روسیې له خوا د نیول شوو سیمو د بیرته ترلاسه کولو له پاره د اوکراین د هڅو په جریان کې صورت نیسي.
د روسیې د بهرنیو چارو وزارت وایي چې «داسې امکان نه لري چې کیف دې بې د امریکا او متحدینو له مرستې څخه دا ډول بریدونه ترسره کړي.»
آژانسونه: ش.ن/ ن.ص